Skoðun
Jakob S. Jónsson
frambjóðandi til formanms Neytendasamtakanna

Neytendasamtök – neytendaafl!

Jakob S. Jónsson skrifar

Eins og fram hefur komið í fréttum hef ég ákveðið að bregðast við áskorunum og gefa kost á mér til embættis formanns Neytendasamtakanna.

Ég vil gera Neytendasamtökin að þjóðfélagsafli í þágu íslenskra neytenda.

Samtök neytenda eiga að beita sér af afli fyrir bættu umhverfi fyrir neytendur á banka- og lánamarkaði, enda er kostnaður við fjármögnun einn stærsti þröskuldur í vegi fólks á húsnæðismarkaði, hvort sem um ræðir eignar- eða leiguhúsnæði. Þá eiga samtökin að beita sér af afli fyrir afnámi verðtryggingar sem veldur stórfellt hærri vöxtum hér en í nágrannalöndunum.

Neytendasamtökin eru sjálfsagður aðili þegar kemur að því að setja afl í eftirlit með verðlagi og þróun vöruverðs; það er brýnt hagsmunamál neytenda, ekki síst á þeim tímum þegar hætt er við að auknum kostnaði af nýjum kjarasamningum verði einfaldlega velt út í verðlagið.

Þjónusta við neytendur er og verður mikilvægt verkefni Neytendasamtakanna og það er ekki síður mikilvægt að þau séu kröftugur málsvari neytenda í daglegri umræðu og tali með rödd, sem á er hlustað!

Mikilvægast er að Neytendasamtökin verði samtök fjöldans!

Höfundur er frambjóðandi til formanms Neytendasamtakanna



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Skoðun

Sjá meira


Velkomin á Vísi. Þessi vefur notar vafrakökur. Sjá nánar.