Veiði

147 laxar á einum degi

Karl Lúðvíksson skrifar

Eystri Rangá er greinilega að fá sterkar göngur inn þessa dagana enda bera veiðitölurnar úr henni þess greinilega merki.

"Það hafa verið afskaplega góðar göngur í ána og það hefur heldur betur skilað sér í betri veiði.  Til að mynda veiddust hér fyrir stuttu 147 laxar á einum degi og hafa sumar stangirnar verið að fá þetta 15-20 laxa á dag nokkuð auðveldlega" sagði Einar Lúðvíksson í samtali við Veiðivísi.  Siðasta miðvikudag var heildarveiðin komin í 1.367 laxa en þá voru vikulegar veiðitölur uppfærðar á vefnum.  Síðan hefur veiðin verið með afbrigðum góð og hún verður líklega mjög nálægt 2.000 löxum þegar vikutölurnar verða uppfærðar næst.

Nokkrir lausir dagar eru í boði í ágúst á vefnum hjá Lax-Á og líklega er eftirspurn eftir lausum dögum þar nokkuð mikil núna þegar veiðin er jafn góð og hún er.  



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.