Veiði

Elliðaárnar alveg líklegar að fara yfir veiðitölu 2017

Karl Lúðvíksson skrifar
Veiðin hefur verið fín í Elliðaánum í sumar.
Veiðin hefur verið fín í Elliðaánum í sumar. Mynd: KL

Veiðin í Elliðaánum hefur verið mjög góð í sumar og hafa gngur í ána verið í takt við það sem er að gerast í ánum á vesturlandi.

Heildarveiðin í ánni var í 684 löxum í síðustu viku þegar veiðitölur voru uppfærðar á vefnum hjá Landssambandi  Veiðifélaga en áin er komin yfir 700 laxa síðan þá og teygir sig hratt í 800 laxa.  Laxinn er vel dreifður í ánni og takan virðist vera góð en það sem gerir þó veiðina erfiða á sumum dögum er mikill umgangur fólks við ána en það er víst óumflýjanlegt þar sem Elliðaárdalurinn er vinsælt útivistarsvæði.  Haldi veiðin þessum takti út tímabilið er ekkert ólíklegt að áin fari kannski aðeins yfir veiðina í fyrra eða í það minnsta verði á pari.  Það sem er að gefa best í ánni við þær aðstæður sem veðurspáin býður upp á næstu daga eru litlu flugurnar og hitch.  Nota flotlínu og 9-10 feta tauma.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.