Þjóðvegi 1 um Eldhraun lokað vegna vatns úr Skaftárhlaupi

Bergþór Másson skrifar 6. ágúst 2018 10:02

Frá þjóðvegi 1 við afleggjarann að Skál þar sem flæddi yfir veginn i gær Vísir/Jóhann K. Jóhannsson

Suðurlandsvegi vestan við Kirkjubæjarklaustur hefur verið lokað vegna vatns á akbraut. Þetta kemur fram í tilkynningu lögreglunnar á Suðurlandi.

Lögregla segir ákvörðunina tekna í samráði við Vegagerðina og bendir á hjáleið um Meðallandsveg.

Eins og Vísir greindi frá í dag byrjaði vatn að flæða yfir þjóðveg 1 rétt vestan við útsýnispall í Eldhrauni í Skaftárhreppi í morgun og hámarkshraði var lækkaður niður í 30 kílómetra á klukkustund.

Ágúst Freyr Bjartmarsson, yfirverkstjóri Vegagerðarinnar, segir vatnið vera orðið of djúpt til þess að bílar geti farið yfir en getur ekki sagt til um hvenær vatnsmagnið mun minnka.

Hjáleiðin um Meðallandsveg er talin tefja bílstjóra um 40-60 mínútur.

Samkvæmt upplýsingum frá Veðurstofu Íslands fer Skaftárhlaup nú hægt minnkandi og hefur hlaupið þegar náð hámarki. Mun áhrifa hlaupsins gæta nokkuð næstu daga og gert er ráð fyrir að Skaftá muni ekki ná eðlilegu rennsli á ný fyrr en síðar í vikunni.

Hlaup í Skaftá

Tengdar fréttir

Rjúfa afleggjara eftir að vatn flæddi upp á þjóðveginn

Starfsmenn Vegagerðarinnar hafa rofið afleggjara við Þjóðveg 1 við bæinn Skál, vestan Kirkjubæjarklausturs, eftir að vatn flæddi upp á þjóðveginn.

5. ágúst 2018 17:55

Vatn flæðir yfir þjóðveg 1 og hámarkshraði lækkaður í 30 km/klst

Veginum hefur ekki verið lokað en hámarkshraði hefur verið lækkaður niður í 30 kílómetra á klukkustund, að sögn lögreglu á Suðurlandi.

6. ágúst 2018 08:37

Ferðalangar varaðir við hvassviðri víða um land í dag

Eru ökumenn bifreiða sem taka á sig mikinn vind því beðnir að sýna varkárni, að því er fram kemur á vef Veðurstofu Íslands.

6. ágúst 2018 07:25

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.