Musk íhugar að taka Tesla af markaði Samúel Karl Ólason skrifar 7. ágúst 2018 20:30 Elon Musk. Elon Musk, stofnandi Tesla, tilkynnti á Twitter í dag að hann væri að íhuga að taka fyrirtækið af hlutabréfamarkaði. Hann sagðist enn fremur þegar hafa tryggt sér fjármagnið sem til þarf. Bílaframleiðandinn hefur verið á markaði frá 2010. Í áðurnefndu tísti sagði Musk að hann væri að íhuga að kaupa fyrirtækið fyrir 420 dali á hlut. Það er um fimmtungi hærra en verðmæti hlutabréfanna er nú og myndi í heildina kosta um 72 milljarða dala. Verðmæti hlutabréfanna hækkaði í dag og er fyrirtækið nú metið á um 58 milljarða. Musk á tæp 20 prósent í Tesla. Fyrr í dag höfðu borist fréttir af því að opinber sjóður Sádi-Arabíu hefði eignast þrjú til fimm prósent í Tesla.Þegar hann var spurður, á Twitter, hvort hann væri í alvörunni að íhuga þetta sagði hann; „Já...Það myndi spara mér marga höfuðverki.“Am considering taking Tesla private at $420. Funding secured. — Elon Musk (@elonmusk) August 7, 2018 Hann fylgdi þessu tísti eftir og sagði fjárfesta geta annað hvort selt fyrir 420 dali á hlut eða átt áfram í fyrirtækinu. Sömuleiðis sagðist hann vonast til þess að allir fjárfestar í Tesla yrðu áfram með fyrirtækinu ef af áætlun hans yrði. Til þess myndi hann stofna sérstakan sjóð og sagðist Musk hafa stofnað svipaðan sjóð í kringum fyrirtæki sitt SpaceX. Musk hefur verið undir mikilli pressu undanfarna mánuði til að tryggja að Tesla geti skilað hagnaði og framleitt sífellt fleiri bíla. Þá hefur hann orðið reiður yfir umfjöllun gagnvart fyrirtækinu og vegna fjárfesta og greiningaraðila. Þar að auki hefur hann kvartað yfir því að hafa fyrirtækið á markaði og sagt að kröfur fjárfesta leiði til skammtímalausna. Í tölvupósti sem sendur var á starfsmenn Tesla í dag sagði Musk að engin ákvörðun hefði verið tekin. Hann vildi hins vegar skapa umhverfi þar sem starfsmenn gætu gert sitt besta. Hann sagði einnig að þar sem fyrirtækið væri á markaði högnuðust ýmsir aðilar á því að ráðast á það og gagnrýna. Þá vísaði hann til SpaceX og sagði að þar sem það hefði aldrei verið á markaði hefði verið auðveldara að taka ákvarðanir til langs tíma sem hefðu reynst fyrirtækinu vel.Tölvupóstinn má lesa í tístinu hér að neðan.Taking Tesla Privatehttps://t.co/kw4eHOJfBh— Tesla (@Tesla) August 7, 2018 Mest lesið Eitruð vinnustaðamenning algeng og margfaldar líkur á kulnun Atvinnulíf Töpuðu þremur milljörðum á fyrsta ársfjórðungi Viðskipti innlent Hæstiréttur sker úr um hvort taka hafi mátt bjór úr hillum Viðskipti innlent Nú er hægt að elta góða veðrið um landið með kortavef Já.is Samstarf Sækjast eftir fangelsisdómi yfir rafmyntakóngi Viðskipti erlent Verðbólgan minnkar en vextirnir hækka Viðskipti innlent Farsímatekjur undir væntingum Viðskipti innlent „Enda hefði hún hreinlega ekki nennt að þræta við mig endalaust“ Atvinnulíf Mikill samdráttur á hagnaði Tesla Viðskipti erlent Reynslunni ríkari og opnar Wilson‘s Pizza á ný Viðskipti innlent Fleiri fréttir Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Elon Musk, stofnandi Tesla, tilkynnti á Twitter í dag að hann væri að íhuga að taka fyrirtækið af hlutabréfamarkaði. Hann sagðist enn fremur þegar hafa tryggt sér fjármagnið sem til þarf. Bílaframleiðandinn hefur verið á markaði frá 2010. Í áðurnefndu tísti sagði Musk að hann væri að íhuga að kaupa fyrirtækið fyrir 420 dali á hlut. Það er um fimmtungi hærra en verðmæti hlutabréfanna er nú og myndi í heildina kosta um 72 milljarða dala. Verðmæti hlutabréfanna hækkaði í dag og er fyrirtækið nú metið á um 58 milljarða. Musk á tæp 20 prósent í Tesla. Fyrr í dag höfðu borist fréttir af því að opinber sjóður Sádi-Arabíu hefði eignast þrjú til fimm prósent í Tesla.Þegar hann var spurður, á Twitter, hvort hann væri í alvörunni að íhuga þetta sagði hann; „Já...Það myndi spara mér marga höfuðverki.“Am considering taking Tesla private at $420. Funding secured. — Elon Musk (@elonmusk) August 7, 2018 Hann fylgdi þessu tísti eftir og sagði fjárfesta geta annað hvort selt fyrir 420 dali á hlut eða átt áfram í fyrirtækinu. Sömuleiðis sagðist hann vonast til þess að allir fjárfestar í Tesla yrðu áfram með fyrirtækinu ef af áætlun hans yrði. Til þess myndi hann stofna sérstakan sjóð og sagðist Musk hafa stofnað svipaðan sjóð í kringum fyrirtæki sitt SpaceX. Musk hefur verið undir mikilli pressu undanfarna mánuði til að tryggja að Tesla geti skilað hagnaði og framleitt sífellt fleiri bíla. Þá hefur hann orðið reiður yfir umfjöllun gagnvart fyrirtækinu og vegna fjárfesta og greiningaraðila. Þar að auki hefur hann kvartað yfir því að hafa fyrirtækið á markaði og sagt að kröfur fjárfesta leiði til skammtímalausna. Í tölvupósti sem sendur var á starfsmenn Tesla í dag sagði Musk að engin ákvörðun hefði verið tekin. Hann vildi hins vegar skapa umhverfi þar sem starfsmenn gætu gert sitt besta. Hann sagði einnig að þar sem fyrirtækið væri á markaði högnuðust ýmsir aðilar á því að ráðast á það og gagnrýna. Þá vísaði hann til SpaceX og sagði að þar sem það hefði aldrei verið á markaði hefði verið auðveldara að taka ákvarðanir til langs tíma sem hefðu reynst fyrirtækinu vel.Tölvupóstinn má lesa í tístinu hér að neðan.Taking Tesla Privatehttps://t.co/kw4eHOJfBh— Tesla (@Tesla) August 7, 2018
Mest lesið Eitruð vinnustaðamenning algeng og margfaldar líkur á kulnun Atvinnulíf Töpuðu þremur milljörðum á fyrsta ársfjórðungi Viðskipti innlent Hæstiréttur sker úr um hvort taka hafi mátt bjór úr hillum Viðskipti innlent Nú er hægt að elta góða veðrið um landið með kortavef Já.is Samstarf Sækjast eftir fangelsisdómi yfir rafmyntakóngi Viðskipti erlent Verðbólgan minnkar en vextirnir hækka Viðskipti innlent Farsímatekjur undir væntingum Viðskipti innlent „Enda hefði hún hreinlega ekki nennt að þræta við mig endalaust“ Atvinnulíf Mikill samdráttur á hagnaði Tesla Viðskipti erlent Reynslunni ríkari og opnar Wilson‘s Pizza á ný Viðskipti innlent Fleiri fréttir Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira