Veiði

Vikuveiðin í Veiðivötnum 1.906 fiskar

Karl Lúðvíksson skrifar
Þórunn með vænan urriða úr Skálavatni í Veiðivötnum
Þórunn með vænan urriða úr Skálavatni í Veiðivötnum Mynd: Bryndís Magnúsdóttir

Nú eru tölur komnar fyrir viku sjö í Veiðivötnum og þar sést að heildarveiðin fyrir liðna viku var 1.906 fiskar sem er alveg prýðilegt.

Þegar betur er rýnt í veiðitölurnar sést að það veiðist ennþá feyknamikið af bleikju í Snjóölduvatni og í heildina eru komnar 4.537 bleikjur úr vatninu á móti 164 urriðum.  Úr Snjóölduvatni hefur komið 4.701 fiskur í það heila og er vatnið það aflahæsta úr vötnunum í sumar.  Litlisjór er þar næstur með heildarveiði uppá 4.031 fisk.  Mesta veiðin í þessari viku var í Nýjavatni en þar veiddust 410 fiskar og síðan 337 í Skyggnisvatni þannig að þessi tvö vötn hafa um helming afheildarveiði liðinnar viku.

Heildarveiðitala sumarsins er komin í um 18.000 fiska en heildarveiðin í fyrra var 20.315 fiskar svo það vantar ennþá nokkuð uppá að ná þeirri tölu.  Veður hefur verið ansi rysjótt í sumar eins og veiðimenn hafa tekið eftir og síðustu tvo daga hefur verið afleitt veður á hálendinu svo það hefur örugglega verið erfitt að standa vaktina við veiði og vonast til þess að eitthvað bíti á.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.