Fótbolti

Kristrún gengin til liðs við Roma

Einar Sigurvinsson skrifar
Kristrún Rut er til vinstri á myndinni.
Kristrún Rut er til vinstri á myndinni. mynd/selfoss.net
Selfyssingurinn Kristrún Rut Antonsdóttir mun spila fyrir Roma í ítölsku úrvalsdeildinni á komandi tímabili, en Roma eru nýliðar í deildinni.

Roma tilkynnti leikmannahóp sinn í dag fyrir komandi tímabil þar sem Kristrún er meðal fimm miðjumanna liðsins. Þjálfari Roma er Elisabetta Bavagnoli, en hún á að baki 90 landsleiki fyrir ítalska landsliðið.

Kristrún er 23 ára gamall miðjumaður. Hún hefur spilað 93 leiki fyrir Selfoss og skorað í þeim 14 mörk.

Eftir að hafa verið valinn leikmaður ársins á Selfossi árið 2016 og 2017, gekk Kristrún til liðs við ítalska 1. deildarliðið Chieti. Þar spilaði hún 17 leiki fyrir liðið og skoraði fimm mörk.




Fleiri fréttir

Sjá meira


×