Innlent

Tuttugu og tveggja metra hátt svið risið á Laugardalsvelli

Birgir Olgeirsson skrifar
Sviðið á Laugardalsvelli er ansi stórt.
Sviðið á Laugardalsvelli er ansi stórt. Vísir/Birgir

Tuttugu og tveggja metra hátt svið er risið á Laugardalsvelli og það langstærsta sem komið hefur verið upp hér á landi. Hundruð manna hafa unnið að uppsetningu tónleika Guns´N Roses á vellinum frá því á mánudag og verða þeir að störfum alveg fram á þriðjudag þegar hljómsveitin stígur á svið.

Jón Bjarni Steinsson, einn af skipuleggjendum tónleikanna, segir belgíska starfsmenn sjá um að setja upp sviðið en einnig er búið að leggja gólf frá Bretlandi til að vernda grasið á Laugardalsvelli. Hljóðkerfið kemur jafnframt frá Bretlandi.

Búið er að leggja gólf til að vernda grasið á Laugardalsvelli. Vísir/Birgir

Spurður hvernig hefur reynst að setja upp svona stóra tónleika á Laugardalsvelli segir Jón Bjarni það vissulega vera mikla vinnu en hún hafi gengið vel.

Búnaðurinn og tæki sem fylgja þessum tónleikum eru um 1.300 tonn að þyngd. Vísir/Birgir

„Við erum með þaulvant fólk að störfum sem gerir ekkert annað en að vinna við svona viðburði,“ segir Jón Bjarni. Þeir sem hafa komið að skipulagningu tónleikanna á Laugardalsvelli hafa rekið sig á allskyns praktísk atriði sem hefur þó gengið smurt fyrir að leysa úr.

22 þúsund miðar hafa verið seldir á tónleikanna sem fara fram næstkomandi þriðjudagskvöld. Vísir/Birgir

Hann segir rafmagnið á Laugardalsvelli enga fyrirstöðu þegar kemur að svo stóru tónleikahaldi, enda treysti þeir sem standa að þessum tónleikum á eigin rafstöðvar.

Sviðið er ansi magnað að sjá. Vísir/Birgir

22 þúsund miðar hafa verið seldir á tónleikana sem fara fram næstkomandi þriðjudagskvöld en þegar Axl Rose og félagar stíga á svið verða starfsmenn búnir að setja upp búnað á vellinum sem vegur um 1.300 tonn.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.