Viðskipti innlent

Auglýsingafé til prentmiðla fer enn minnkandi

Sighvatur Arnmundsson skrifar
Hlutur prentmiðla af auglýsingafé fer minnkandi.
Hlutur prentmiðla af auglýsingafé fer minnkandi. Vísir/anton

Hlutur prentmiðla af auglýsingafé sem auglýsendur verja með milligöngu birtingarhúsa fór enn minnkandi á síðasta ári. Prentmiðlar halda þó velli sem stærsti auglýsingamiðillinn með um 28 prósent en þetta hlutfall hefur minnkað jafnt og þétt frá 2014 þegar það var 37 prósent.

Þetta kemur fram í tilkynningu frá fjölmiðlanefnd. Hlutur sjónvarps hefur einnig farið minnkandi og var um fjórðungur á síðasta ári en vefmiðlar sækja í sig veðrið þótt þeir eigi enn langt í land með að ná því hlutfalli sem þekkist víða í Evrópu.

Alls fóru tæp 23 prósent til vefmiðla, þar af tæp fimm prósent til erlendra vefmiðla. Auglýsingar sem keyptar eru milliliðalaust eru ekki inni í þessum tölum.

Kolbeinn Óttarsson Proppé, þingmaður Vinstri grænna, segir umræðuna um rekstrarumhverfi fjölmiðla of oft snúast um áfengisauglýsingar og RÚV á auglýsingamarkaði. Hið fyrra sé lýðheilsumál sem ekki eigi að blanda í þá umræðu. Þá mætti nýta auglýsingatekjur RÚV til að efla fjölmiðla almennt.

Hann segir það löngu tímabært að fram komi tillögur til að taka á rekstrarvanda fjölmiðla. „Það er búið að greina umhverfi fjölmiðla í bak og fyrir. Nú þurfum við aðgerðir.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
1,25
2
48.600
SKEL
0,66
3
89.276
GRND
0,62
1
16.100
SYN
0,2
3
127.020
MARL
0,13
7
28.952

Mesta lækkun dagsins


Félag
Br.%
Fjöldi
Velta*
ICEAIR
-1,39
10
48.327
VIS
-1,15
3
34.510
TM
-0,52
3
34.622
FESTI
-0,2
1
9.980
EIK
-0,13
1
7
Velkomin á Vísi. Þessi vefur notar vafrakökur. Sjá nánar.