Innlent

Ommeletta leiddi til útkalls

Stefán Ó. Jónsson skrifar
Ég ommelettuna lét á nefið...
Ég ommelettuna lét á nefið... Vísir/Getty
Lögreglan fékk tilkynning um mikinn hávaða sem barst frá íbúð einni í Salahverfi Kópavogs á öðrum tímanum í nótt.

Innhringjandinn hafði verið hinn stressaðasti og talið að jafnvel væri um heimilsofbeldi að ræða. Lögreglumenn voru því sendir á staðinn en þegar þangað var komið voru engin áflog í gangi.

Í skeyti lögreglunnar kemur fram að hávaðinn hafi einfaldlega borist frá fjórum vinum sem voru að brasa í eldhúsinu.

Höfðu þeir aðeins verið að elda sér ommelettu og reyndist allt í besta standi. Ekki fylgir sögunni hvernig eldamennskan tókst eða hvers vegna þeim tókst ekki að elda á hljóðlátari hátt.




Fleiri fréttir

Sjá meira


×