Viðskipti erlent

Sergio Marchionne látinn

Þorbjörn Þórðarson skrifar
Sergio Marchionne lét það verða sitt fyrsta verk eftir samruna Fiat og Chrysler að færa skrifstofu forstjóra Chrysler í Detroit niður á gólf hjá hönnuðum og verkfræðingum fyrirtækisins.
Sergio Marchionne lét það verða sitt fyrsta verk eftir samruna Fiat og Chrysler að færa skrifstofu forstjóra Chrysler í Detroit niður á gólf hjá hönnuðum og verkfræðingum fyrirtækisins. Vísir/EPA

Goðsögn úr bílaiðnaðinum sem keyrði í gegn samruna Fiat og Chrysler eftir gjaldþrot Chrysler árið 2009 lést Zurich í Sviss eftir að hafa glímt við fylgikvilla skurðaðgerðar.

Marchionne, sem var 66 ára, var sagður harðsnúinn samningamaður, eljusamur og hnífskarpur. Eftir samruna Fiat og Chrysler varð til sjöundi stærsti bílaframleiðandi heims en samruninn bjargaði í raun báðum fyrirtækjunum. Eftir það deildi Marchionne tíma sínum jafnt milli Detroit og Tórínó.

Hann var mikill áhugamaður um póker og samstarfsmenn hans hafa greint frá svefnlausum flugferðum í einkaþotu yfir Atlantshafið þar sem Marchionne keðjureykti yfir pókerspili. 

Marchionne, sem var með háskólagráður í bæði heimspeki og lögfræði, lét það verða sitt fyrsta verk eftur samrunann að endurskipuleggja starfsemi Chrysler í Detroit frá grunni og lét færa skrifstofu forstjórans niður á gólfið til verkfræðinganna og bílahönnuðanna. 

Um þetta var fjallað í fréttaskýringu 60 Minutes árið 2012. 

Tífaldaði verðmæti Fiat
Undir stjórn Marchionne tífaldaðist verðmæti Fiat Chrysler og þá komst Ferrari, eitt af dóttufélögum fyrirtækisins, aftur í fremstu röð Formúlu-kappakstursins undir hans stjórn.

Marchionne fór í aðgerð á hægri öxl í síðasta mánuði. Hann hafði verið að jafna sig eftir aðgerðina á sjúkrahúsi. Agnelli fjölskyldan, sem á Fiat Chrysler, upplýsti svo um síðustu helgi að Marchionne myndi ekki snúa til baka til fyrri starfa vegna fylgikvilla sem hann glímdi við eftir skurðaðgerðina. Hann lést síðan í gær en engar nánari upplýsingar um ástæður andlátsins hafa verið veittar. 

Umfjöllun CBS News um andlát Sergio Marchionne.
Umfjöllun FT.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
4,36
82
1.091.920
ORIGO
2,25
2
3.481
REITIR
1,24
3
101.924
HEIMA
0,91
1
11
ARION
0,87
3
130.285

Mesta lækkun dagsins


Félag
Br.%
Fjöldi
Velta*
LEQ
-0,84
1
200
VIS
-0,71
2
2.480
MARL
-0,52
10
181.238
FESTI
-0,2
3
42.932
SKEL
0
1
500
Velkomin á Vísi. Þessi vefur notar vafrakökur. Sjá nánar.