Lífið

Stjörnurnar sem bjuggu saman áður en frægðin bankaði á dyr

Kristín Ólafsdóttir skrifar
Gwyneth Paltrow og Winona Ryder leigðu saman á tíunda áratugnum. Það gerðu Christopher Reeve og Robin Williams einnig á áttunda áratugnum.
Gwyneth Paltrow og Winona Ryder leigðu saman á tíunda áratugnum. Það gerðu Christopher Reeve og Robin Williams einnig á áttunda áratugnum. Mynd/Samsett
Stjörnurnar í Hollywood þekkjast margar innbyrðis, enda er kvikmyndabransinn minni og fámennari en margur heldur. Hér er að finna lista af heimsþekktum einstaklingum sem bjuggu saman, með misjöfnum árangri, áður en þeir skutust upp á stjörnuhimininn.

Matt Damon og Ben Affleck á Óskarsverðlaununum árið 1998.Vísir/Getty

Matt Damon og Ben Affleck

Bandarísku leikararnir Matt Damon og Ben Affleck leigðu saman þegar þeir skrifuðu handritið að kvikmyndinni Good Will Hunting. Myndin var frumsýnd árið 1997 og kom félögunum á kortið en handritið skilaði þeim Óskarsverðlaunum, eins og frægt er orðið.

Connie Britton og Lauren Graham

Leikkonurnar Connie Britton, sem fór með hlutverk Rayna James í sjónvarpsþáttunum Nashville, og Lauren Graham, sem lék Lorelai í Gilmore Girls, voru einnig meðleigjendur áður en þær skutust upp á stjörnuhimininn. Graham greindi frá þessu árið 2013 og sagði íbúðina hafa verið nær tóma af húsgögnum auk þess sem þær stöllur borðuðu nær eingöngu Rice Krispies-kökur á þessum tíma til að halda sér á lífi.

Justin Timberlake og Ryan Gosling byrjuðu sem DIsney-stjörnur.Vísir/Getty

Justin Timberlake og Ryan Gosling

Söngvarinn Justin Timberlake og leikarinn Ryan Gosling bjuggu saman þegar þeir léku í hinum sögufræga Mickey Mouse Club snemma á tíunda áratugnum. Gosling er frá Kanada og þurfti því að dvelja fjarri heimili sínu við tökur á þáttunum, sem fóru fram í Bandaríkjunum. Þegar móðir Gosling þurfti svo að fara aftur heim til Kanada vegna vinnu sinnar flutti Gosling tímabundið inn til fjölskyldu Timberlake.

Gwyneth Paltrow og WInona Ryder áður en allt fór í háaloft.Vísir/Getty

Gwyneth Paltrow og Winona Ryder

Leikkonurnar Gwyneth Paltrow og Winona Ryder eru sagðar hafa eldað grátt silfur saman þegar þær voru meðleigjendur í Los Angeles á tíunda áratugnum. Þær slitu vinskap sínum árið 1998 en talið er að Paltrow hafi fundið handrit Ryder að kvikmyndinni Shakespeare in Love í íbúðinni og í kjölfarið hreppt aðalhlutverkið í myndinni. Hún hlaut síðar Óskarsverðlaun fyrir hlutverkið.

Downey grét á öxlinni á Sutherland þegar á þurfti að halda.Vísir/getty

Robert Downey Jr. og Kiefer Sutherland

Leikararnir Downey Jr. og Sutherland leigðu saman í þrjú ár á níunda áratugnum áður en þeir slógu almennilega í gegn. Sutherland er sagður hafa veitt Downey Jr. andlegan stuðning þegar samband hans og leikkonunnar Söruh Jessicu Parker stóð á brauðfótum.

Adam Sandler og Judd Apatow er enn vel til vina.Vísir/GEtty

Judd Apatow og Adam Sandler

Leikstjórinn Judd Apatow og leikarinn Adam Sandler bjuggu saman í LA og reyndu þar báðir fyrir sér sem grínistar. Þegar Sandler fékk svo hlutverk í skemmtiþættinum Saturday Night Live, sem tekinn er upp í New York, hélt hann þó áfram að borga sinn hluta af leigunni.

Reeve og Williams spariklæddir.Vísir/getty

Robin Williams og Christopher Reeve

Hinir gamalkunnu leikarar Robin Williams og Christopher Reeve voru báðir nemendur við leiklistardeild Juilliard-skólans í New York á áttunda áratugnum. Þeir bjuggu saman á námsárunum og varð með þeim ævilöng vinátta. Reeve lést árið 2004 og Williams tíu árum síðar, árið 2014.






Fleiri fréttir

Sjá meira


×