Lífið

Fékk ráðamenn til að mæla með vopnuðum leikskólabörnum

Kristín Ólafsdóttir skrifar
Cohen bregður sér í líki ofurstans Erran Morad og leitar á náðir hina ýmsu ráðamanna í Bandaríkjunum.
Cohen bregður sér í líki ofurstans Erran Morad og leitar á náðir hina ýmsu ráðamanna í Bandaríkjunum. Skjáskot/Youtube

Ný stikla úr sjónvarpsþáttaröðinni Who Is America? var birt í dag. Þáttaröðin er það nýjasta úr smiðju grínistans Sacha Baron Cohen en hann hefur vakið mikla athygli upp á síðkastið fyrir að narra hina ýmsu ráðamenn í viðtöl.

Sjá einnig: Cohen krefur Palin um afsökunarbeiðni í karakter

Í nýju stiklunni bregður Cohen fyrir í líki hins ísraelska Erran Morad ofursta, „varnarmálasérfræðings“. Morad þessi furðar sig á því að Samtök byssueigenda í Bandaríkjunum, NRA, vilji bregðast við skotárásum í bandarískum skólum með því að láta kennara bera vopn – hið rétt í stöðunni sé hreinlega að vopna börnin.

Morad fer því á fund hinna ýmsu ráðamanna, núverandi og fyrrverandi þingmanna auk háttsettra manna hjá NRA, og fær þá til að lýsa yfir stuðningi við sérstakt verkefni sem lýtur að því að þjálfa leikskólabörn í meðferð skotvopna.

Stikluna má sjá í  heild sinni hér að neðan en þættirnir This Is America eru frumsýndir í dag á sjónvarpsstöðinni Showtime.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.