Körfubolti

Nýliðarnir semja við króatískan framherja

Arnar Geir Halldórsson skrifar
Matej Buovac
Matej Buovac Af heimasíðu Skallagríms
Króatíski framherjinn Matej Buovac mun leika með nýliðum Skallagríms í Dominos deild karla á komandi leiktíð.

Buovac þessi er sagður hreyfanlegur framherji en hann er 25 ára gamall og 201 sentimetri á hæð. Hann lék í efstu deild Króatíu á síðasta ári þar sem hann skilaði 10,7 stigum að meðaltali í leik fyrir KK Zagreb sem reyndar féll úr deildinni.

Hann lék í háskólaboltanum í Bandaríkjunum þar sem hann spilaði fyrir New Mexico State og Sacred Heart háskólana. Þá á hann fjölmarga landsleiki að baki fyrir yngri landslið Króatíu.

Skallagrímur vann sér sæti í Dominos deildinni með því að vinna 1.deildina síðasta vetur og hafa styrkt lið sitt með bræðrunum Björgvini Hafþóri og Bergþóri Ægi Ríkharðssonum í sumar.

Borgnesingar fá verðugt verkefni í fyrstu umferð Dominos deildarinnar þar sem þeir heimsækja Íslandsmeistara KR í Frostaskjólið þann 4.október næstkomandi.

 




Fleiri fréttir

Sjá meira


×