Viðskipti innlent

Húrra Reykjavík bætir við sig eftirsóttum vörumerkjum: „Risastórt stökk fyrir íslenskan markað“

Bergþór Másson skrifar
Sindri Jensson er eigandi Húrra Reykjavík.
Sindri Jensson er eigandi Húrra Reykjavík. Fréttablaðið/stefán

Fatabúðin Húrra Reykjavík tilkynnti þrjú ný vörumerki í verslanir sínar á dögunum. Vörumerkin eru eftirsótt í tískuheiminum og þurfa þær búðir sem vilja fá þau í sölu til sín að hafa byggt upp gott orðspor í bransanum.

Umrædd vörumerki eru Palm Angels, Heron Preston og Aimé Leon Dore. Öll þessi merki eru partur af nýrri bylgju innan tískuheimsins, þar sem hámenningu og lágmenningu er blandað saman og línur á milli hátísku og götuklæðnaðar eru óskýrar.

Forsvarsmenn Húrra Reykjavík sóttu merkin á tískuviku í París á dögunum. Hingað til hefur Húrra Reykjavík sótt tískuvikur í Kaupmannahöfn og Berlín, en þeim fannst kominn tími til að fara til Parísar í ár.

Úr keböbum í carpaccio

Sindri Jensson, eigandi Húrra Reykjavík, segir tískuvikuna í París frábrugðna því sem hann hefur áður upplifað á öðrum tískuvikum í samtali við Vísi.

„Þú ert að labba úti á horni og sérð einhvern rappara eða gaur sem á eitthvað fatamerki, maður lendir ekkert í þessu í Köben. Þetta er miklu meira Hollywood. Göturnar eru bara eitthvað runway, maður hugsar bara hvaða fræga gaur maður er að fara hitta næst. Maður er vanur bjór í kippu, litlar dósir, og mögulega einhver kebab handa liðinu. Í París er þetta allt annað viðskiptafyrirkomulag en við þekkjum. Í sýningarsölum eru þjónar í hvítum skyrtum sem bera í þig drykki, það eru kokkar að elda í þig melónu með skinku, risotto og carpaccio.“

Lítið skref fyrir Húrra Reykjavík

Afurðir vörumerkjanna teljast sem háklassa hönnunarvörur og eru þar af leiðandi nokkuð dýrar í verði. „Þetta er risastökk fyrir íslenskan markað að fá svona hátískumerki inn, þetta er stórt fyrir alla íslensku tískusenuna. Við teljum Ísland tilbúið fyrir þessi vörumerki.“ segir Sindri.

Háklassavörumerki af þessum toga velja búðir sem þær selja vörurnar sínar til vandlega. Þar af leiðandi getur ekki hver sem er fengið þessi merki til sín. Tískubransinn gengur þannig fyrir sig að ef búð selur ákveðið merki sem er eftirsótt, þá er búðin líklegri til þess að fá fleiri eftirsótt merki í sölu.

Til dæmis selur Húrra hina sívinsælu Yeezy skó, sem beðið er í röðum yfir nótt eftir, en til þess að fá grænt ljós frá Adidas fyrir sölu þeirra, þarf búð að hafa byggt sér upp gott orðspor innan bransans, að sögn Sindra.

Hér fyrir neðan má sjá Sindra segja sögu Húrra Reykjavík.

Óhefðbundnar leiðir

Sindri segir frá því að þegar vörur eru pantaðar inn frá merkjunum, þurfi að greiða 30% heildarverðs um leið og þú pantar og síðan 70% áður en þú færð vörunar, sem þekkist ekki hjá öðrum merkjum sem Húrra stundar viðskipti við. Venjulega eru pantanir greiddar við afhendingu varanna. Vegna vinsælda geta merkin gert þessar kröfur.

Húrra Reykjavík tekur afstöðu

Sindri segir að í gegnum tíðina hafi íslenskar verslanir komist upp með það að bjóða Íslendingum einhver „no name“ vörumerki, en núna séu allir með heiminn í hendi sér í formi iPhone síma og allir á Instagram og þar af leiðandi vill fólkið alvöru vörumerki og heitasta dótið hverju sinni.

„Frá upphafi höfum við tekið mjög sterka afstöðu með merkjum sem leggja mikið upp úr hönnun, gæðum og umhverfissjónarmiðum. Við erum ekki með neitt í verslunum okkar sem eru ekki alþjóðlega þekktar vörur.“

Aðspurður um framtíðarsýn Húrra Reykjavík og hvar hann sjái búðina eftir 5 ár segir Sindri að „innkoma þessara vörumerkja muni hafa domino-áhrif og nú verði allt á stærri skala hjá Húrra Reykjavík. Húrra eftir 5 ár verður orðin mjög stór alþjóðleg netverslun og kannski með eina stóra verslun í staðinn fyrir tvær litlar.“


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MARL
0,13
5
93.108
VIS
0
3
9.252
ORIGO
0
1
5.125
SJOVA
0
6
57.051
TM
0
1
15.150

Mesta lækkun dagsins


Félag
Br.%
Fjöldi
Velta*
REGINN
-2,06
5
38.300
SIMINN
-1,84
5
90.353
N1
-1,65
6
126.050
REITIR
-1,52
3
54.714
SYN
-1,42
5
94.490
Velkomin á Vísi. Þessi vefur notar vafrakökur. Sjá nánar.