Veiði

100 laxa holl í Norðurá

Karl Lúðvíksson skrifar
Þessi lax veiddist á Brotinu í Norðurá fyrir skemmstu.
Þessi lax veiddist á Brotinu í Norðurá fyrir skemmstu.

Þegar það loksins fór að sjá til sólar og árnar að sjatna kom góður kippur í veiðitölurnar í laxveiðiánum um allt land.

Norðurá er ein af þeim ám sem fór í mikið vatn þegar mestu rigningarnar stóðu yfir í júní og var áin suma daga í 35-37 rúmmetrum sem er hollt meira en það sem þykir gott vatn í ánni. Hún hefur nú þegar sjatnað og hlýnað og veiðimenn við ánna finna vel fyrir því að þetta er að hafa góð áhrif á tökugleðina hjá laxinum. Holl sem er við veiðar er að detta í 100 laxa og ná því mjög auðveldlega miðað við þær upplýsingar sem við höfum frá veiðimönnum við Norðurá. Það eru góðar göngur í hana sem og í hinar Borgarfjarðarárnar og nokkuð ljóst að það stefnir í ágætis ár í ánni. Það eru nokkur ár síðan hún hefur verið í þetta háu vatni á þessum tíma en það sem það gerir er bara að tryggja góða vatnsstöðu núna þegar aðaltíminn í ánni er að byrja. Heildarveiðin í Norðurá var við síðustu talningu á síðu www.angling.is 350 laxar en hún er að teygja sig í 600 í þessari viku og jafnvel meira.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira