Veiði

Síðasta holl með 70 laxa í Grímsá

Karl Lúðvíksson skrifar
Grímsá opnaði í sól og blíðu en það hefur varla sést til sólar síðan.  veiðin er engu að síður góð í ánni.
Grímsá opnaði í sól og blíðu en það hefur varla sést til sólar síðan. veiðin er engu að síður góð í ánni. Mynd. Hreggnasi

Grímsá glímir við háa vatnsstöðu eins og flestar árnar á vesturlandi en það hefur þó ekki komið að sök í síðasta holli sem var að ljúka veiðum.

Þrátt fyrir mikið vatn hafa göngur í Grímsá verið með ágætum og tölur úr síðasta holli sýna að allur gangur í ánni er með fínasta móti. Hollið náði 70 löxum á land sem er mjög góð veiði sé tekið mið af þeim skilyrðum sem eru fyrir hendi. Hefði vatnið í ánni verið eðlilegt má gera ráð fyrir því að veiðin hefði getað verið nokkuð hærri. Grímsá fer fljótlega að detta yfir 200 laxa og er hún þá nálægt pari miðað við veiðina á sama tíma í fyrra en þá veiddust 1290 laxar í ánni. Það sem veiðimenn á vesturlandi bíða njú eftir er að fá smá sumar í þennan landshluta og hita yfir 15 gráður í einhverja daga til að lækka vatnið í ánum og koma hitastiginu í þeim aðeins upp. Ef það gerist eiga þeir sem eru við árnar líklega eftir að verða þess vel varir að laxinn fer að sýna sig meira og takan að aukast í takt við hækkandi hita og minnkandi vatn. Ekki að nokkur sé að kvarta þannig því veiðitölur sem hafa verið að berast segja að þrátt fyrir þetta mikla og kalda vatn sem rennur í ánum er veiðin víðast hvar mjög góð og á þá bara eftir að verða betri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.