Veiði

Góðar laxagöngur í Gljúfurá

Karl Lúðvíksson skrifar
Fínar göngur hafa veið í Gljúfurá síðsustu daga
Fínar göngur hafa veið í Gljúfurá síðsustu daga Mynd: SVFR

Nú eru vatnið loksis tekið að sjatna í Borgarfjarðaránum og veiðitölurnar farnar að taka góðann kipp.

Gljúfurá fór ekki varhluta af því mikla vatni sem hefur hækkað yfirborð hennar mikið og gert hana mjög erfiða á köflum. Samhliða þessu var vatnið í henni mjög kalt sem gerir veiðina ennþá erfiðari. Það er þó loksins búið að sjatna í henni og veiðin fer í kjölfarið að taka kipp. Í ánna hafa gengið um 275 fiskar sem er nokkuð mikið fyrir ánna miðað við árstíma. Fiskur er enn að ganga á fullu og það verður spennandi að fylgjast með hvort áframhald verði á þessum sterku göngum. Veiðin hefur að sama skapi gengið vel en í ánni er veitt á 3 stangir. Hollin hafa verið að fá allt upp í 10 laxa og mest á neðra svæðinu fyrir neðan veiðihúsið. Stærsti fiskurinn sem við höfum heyrt af þar var 81 cm. Þegar samanburður er gerður nokkur ár aftur í tímann á stærð göngunnar miðað við árstíma gætu veiðimenn í Gljúfurá átt mjög gott sumar í vændum svo ekki meira sé sagt.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira