Veiði

Góð bleikjuveiði í Hraunsfirði

Karl Lúðvíksson skrifar
Þær eru flottar sjóbleikjurnar í Hraunsfirði.
Þær eru flottar sjóbleikjurnar í Hraunsfirði. Mynd: Bjarni Júlíusson

Hraunsfjörður er eitt skemmtilegasta sjóbleikjusvæði landsins en kannski ekki vegna fjölbreytileika veiðistaða heldur af magninu af bleikju sem þar oft veiðist.

Veiðin getur oft byrjað nokkðu snemma á sumrin í Hraunsfirði en aðaltíminn er klárlega í júlímánuði. Vatnið er nokkuð mikið stundað en árangur manna er æði misjafn og það eru stundum margir sem fara þangað án þess að fá fisk.  Yfirleitt hangir það þó saman við veiðitækni en beituveiði er síst til þess fallinn að gefa árangur í vatninu.  Spúnn getur stundum gefið ágætlega en flugan gefur alltaf langbest.

Flugurnar sem bleikjan er að taka geta verið margvíslegar en í fyrra veiddist best á grænar og grænleitar flugur sem líkjast marfló og það er veist að veiða á langann taum eða hægsökkvandi línu og draga löturhægt inn.  Við höfum haft fregnir af veiðimönnum sem hafa verið þar síðustu daga og hefur aflinn verið góður en mesta veiðin er 28 bleikjur á eina stöng yfir daginn og var veitt víða um vatnið, mest þó að vestanverðu.  



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.