Veiði

Þverá og Kjarrá komnar yfir 1.000 laxa

Karl Lúðvíksson skrifar

Veiðin í Þverá og Kjarrá hefur verið afskaplega góð í sumar og er áin sú fyrsta til að rjúfa 1.000 laxa múrinn en það gerðist í gærkvöldi.

Það hafa verið mjög kröftugar göngur í Þverá og Kjarrá og það sem vekur einnig lukku hjá veiðimönnum við bakka þeirra er gott hlutfall af tveggja ára laxi í aflanum.  Vikuveiðin þessa vikuna gæti stefnt í 350-400 laxa ef aflabrögð verða áfram jafn góð og þau hafa verið.  Það er vaxandi straumur næstu sjö daga og þess vegna má gera ráð fyrir því að enn eigi eftir að bætast verulega við það magn af laxi sem er í ánum og vel setnar eru þær orðnar fyrir.  Þeir sem þekkja þær best eru farnir að henda líklegri lokaútkomu sumarsins á loft og nefna í því skyni að það sé alveg eins líklegt að heildarveiðin fari yfir 3.000 laxa í sumar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.