Golf

Tiger Woods á sjö höggum undir pari

Dagur Lárusson skrifar
Tiger Woods.
Tiger Woods. vísir/getty

Tiger Woods spilaði vel á þriðja hring sínum á National mótinu eftir að hafa byrjað mótið illa en hann er eins og er í tíunda sætinu á sjö höggum undir pari.
 
Á þriðja hringnum náði Woods að næla sér í hvorki meira né minna en sex fugla og sex pör og því aðeins fjóra skolla.
 
Þetta þýðir að í dag spilaði Woods á samtals tveimur undir pari en vallarparið er 70 en samtals fór hann á 68 höggum. Þetta var hinsvegar ekki besti hringur Woods hingað til á mótinu en á öðrum hring lék hann á fimm höggum undir pari.
 
Fyrir lokahringinn er Woods fimm höggum á eftir efstu mönnum sem eru Mexíkóinn Abraham Ancer og Ítalinn Francesco Molinari en þeir eru báðir á samtals 13 höggum undir pari.

 
Fjórði og síðasti hringur mótsins fer fram á morgun.
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira