Bílar

Kalla inn Subaru-bifreiðar

Sunna Kristín Hilmarsdóttir skrifar
Ástæða þess að bílarnir eru kallaðir inn er að spennufall getur myndast í tengi fyrir bensíndælu sem orsakar sambandsleysi. Möguleiki er á að sé bíll lengi í gangi þá drepi hann á sér.
Ástæða þess að bílarnir eru kallaðir inn er að spennufall getur myndast í tengi fyrir bensíndælu sem orsakar sambandsleysi. Möguleiki er á að sé bíll lengi í gangi þá drepi hann á sér.

BL ehf. hefur kallað inn 2112 Subaru-bifreiðar að því er fram kemur á vef Neytendastofu. Barst Neytendastofu tilkynning frá BL um innköllunina en um er að ræða Legacy og Outback af árgerðum 2004 og 2009 og Impreza af árgerðum 2008 til 2010.

Ástæða þess að bílarnir eru kallaðir inn er að spennufall getur myndast í tengi fyrir bensíndælu sem orsakar sambandsleysi. Möguleiki er á að sé bíll lengi í gangi þá drepi hann á sér.

„Viðgerð felur í sér að skipt verður um rafkerfi bensíndælu. Mögulega þarf að skipta um tengi inn á bensíndælu eða efri hluta dælunnar.

Aðgerðin er eigendum að kostnaðarlausu og tekur um eina eða tvær klukkustundir. Bréf verða send til bíleigenda á næstu dögum.

Neytendastofa hvetur bifreiðaeigendur til að fylgjast vel með hvort að verið sé að innkalla þeirra bifreiðar og hafa samband við BL ehf ef þeir eru í vafa,“ segir á vef Neytendastofu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira