Viðskipti erlent

ESB tilbúið að svara mögulegum bílatollum Bandaríkjanna

Kjartan Kjartansson skrifar
Trump amast við tollum sem ESB leggur á bandaríska bíla og vill svara með verndartollum.
Trump amast við tollum sem ESB leggur á bandaríska bíla og vill svara með verndartollum. Vísir/EPA

Jyrki Katainen, varaforseti framkvæmdastjórnar Evrópusambandsins, segir að það muni bregðast við ef Donald Trump Bandaríkjaforseti stendur við hótanir sínar og hækkar tolla á evrópska bíla. Hlutabréf í evrópskum bílaframleiðendum féllu eftir hótanir Trump.

Bandaríska viðskiptaráðuneytið rannsakar nú hvort að innflutningur á bílum ógni þjóðaröryggi. Það hefur verið átylla sem ríkisstjórn Trump hefur notað til þess að leggja háa verndartolla á innflutt stál og ál.

Trump hótaði því á föstudag að leggja 20% toll á alla bíla sem fluttir eru til Bandaríkjanna frá ESB ef sambandið fellir ekki niður tolla á bandaríska bíla. Reuters-fréttastofan segir Bandaríkin leggi nú 2,5% toll á bíla sem fluttir eru inn frá ESB og 25% á innflutta pallbíla. ESB leggi 10% toll á bandaríska bíla.

Katainen segir að ESB muni ekki eiga annarra kosta völ en að svara í sömu mynt ef Trump stendur við stóru orðin. Hann sagðist þó ekki hafa áhuga á viðskiptastríði við Bandaríkin og hvatti til þess að báðir aðilar drægju úr spennunni sem ríkt hefur undanfarnar vikur.

Viðskiptaráð Bandaríkjanna er á meðal þeirra sem hafa varað Trump við því að leggja tollana á. Þeir muni aðeins skaða bílaiðnaðinn sem tollunum er að nafninu til ætlað að vernda og geti efnt til viðskiptastríðs.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MARL
0,13
5
93.108
VIS
0
3
9.252
ORIGO
0
1
5.125
SJOVA
0
6
57.051
TM
0
1
15.150

Mesta lækkun dagsins


Félag
Br.%
Fjöldi
Velta*
REGINN
-2,06
5
38.300
SIMINN
-1,84
5
90.353
N1
-1,65
6
126.050
REITIR
-1,52
3
54.714
SYN
-1,42
5
94.490
Velkomin á Vísi. Þessi vefur notar vafrakökur. Sjá nánar.