Fótbolti

Aron: Gott að hafa átök á æfingum

Eiríkur Stefán Ásgeirsson skrifar
Frá æfingunni í morgun. Aron bregður á leik með Gylfa.
Frá æfingunni í morgun. Aron bregður á leik með Gylfa. Vilhelm

„Það er búið að ganga mjög vel og það hefur verið harka í þessu, eins og við töluðum um. Það er ákveðin keyrsla á æfingum og menn eru vel gíraðir í þetta.“

Þetta sagði Aron Einar Gunnarsson, fyrirliði íslenska landsliðsins, á blaðamannafundi íslenska liðsins í morgun. Það var greinilegt á hans máli að menn væru búnir að jafna sig á tapinu gegn Nígeríu á föstudag.

„Það hafa verið smá átök á æfingum? Það virkar alltaf vel fyrir leiki. Það er gott að hafa smá keyrslu og tempó. Ég er á því að menn séu búnir að ná sér líkamlega og nú þurfum við bara að gera okkar. Það lítur alla vega þannig út að menn séu með einbeitinguna í lagi fyrir leikinn á morgun.“

Hann segir ljóst hvert verkefnið er. „Við munum gera allt sem við getum á vellinum og sjáum svo hvað gerist. Við höfum verk að vinna og ætlum að gera það á morgun.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.