Erlent

Spánn ætlar að taka við björgunarskipinu

Kjartan Kjartansson skrifar
Aquarius hefur þurft að halda kyrru fyrir um 65 kílómetrum utan við strönd Ítalíu.
Aquarius hefur þurft að halda kyrru fyrir um 65 kílómetrum utan við strönd Ítalíu. Vísir/EPA

Nýr forsætisráðherra Spánar segir að þarlend yfirvöld séu tilbúin að taka við björgunarskipi með rúmlega sex hundruð flóttamönnum sem Ítalir hafa neitað um leyfi að koma til hafnar. Með því vill ráðherrann forða mannúðarhamförum.

Innanríkisráðherrann í nýrri stjórn popúlista og harðlínumanna á Ítalíu lokaði höfnum landsins fyrir björgunarskipinu Aquarius með 629 manns um borð sem bjargað var í líbískri lögsögu á Miðjarðarhafi.

„Að bjarga lífum er skylda, að breyta Ítalíu í risavaxnar flóttamannabúðir er það ekki,“ sagði Matteo Salvini, ítalski innanríkisráðherrann sem er einnig leiðtogi hægriöfgaflokksins Bandalagsins.

Salvini bað Maltverja um að taka við skipinu en þeir höfnuðu því. Vísuðu stjórnvöld á eyjunni til þess að skipið tilheyrði lögsögu Ítalíu.

Pedro Sánchez, nýr forsætisráðherra Spánar og leiðtogi sósíalista, hefur nú höggvið á hnútinn og sagt að Aquarius fái í örugga höfn í Valencia á austurströnd Spánar, að sögn breska ríkisútvarpsins BBC.

Áður hafði borgarstjórinn í Palermo á Sikiley sagst veita skipinu leyfi til að koma til hafnar í trássi við vilja ríkisstjórnarinnar.


Tengdar fréttir

Komast hvergi í land

629 flóttamönnum var bjargað á leið þeirra yfir miðjarðarhafið af skipinu Aquarius, skipið fær þó hvergi leyfi til að koma að landi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.