Veiði

Lónsá er bleikjuperla á norðausturlandi

Karl Lúðvíksson skrifar
Þær geta orðið vænar bleikjurnar í Lónsá
Þær geta orðið vænar bleikjurnar í Lónsá Mynd: Mattías Þór Hákonarson

Lónsá á Langanesi er líklega ein af þessum ám sem fáir hafa heyrt nefnda og enn færri veitt sem er synd því þetta er afskaplega skemmtileg á.

Áin rennur stutt frá Þórshöfn á Langanesi og í hana gengur mikið magn bleikju og urriða ásamt því að stöku sjóbirtingur og lax lætur sjá sig líka. Veiðin getur verið góð frá fyrsta degi en þá er mest veitt á ósasvæðinu en þegar líður á tímabilið fer bleikjan að ganga upp ánna.  Mattías Þór Hákonarson er einn af leigutökum Lónsár og hann lætur vel af tímabilinu þar sem af er liðið.

"Veiðin í Lónsá hefur verið virkilega góð uppá síðkastið, bæði sjóbirtingveiðin á ósasvæðinu og bleikjuveiðin uppí á en stærsta bleikjan sem hefur komið á land er 60cm og stærsti birtingurinn 69 cm. Nú styttist í Nýtt tungl og er við því að búast að göngur aukist. Lónsá er lítil perla á Langanesi sem geymir ótrúlegt magn af stórum fiski. Veiðin hefur mest verið á litlar marflær á ósasvæðinu síðustu daga en þurrflugu og púpur uppí á." sagði Mattías við Veiðivísi í morgun.  Laus leyfi má skoða á www.veiditorg.is



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.