Viðskipti innlent

Vefpressan úrskurðuð gjaldþrota

Sunna Kristín Hilmarsdóttir skrifar
Björn Ingi Hrafnsson.
Björn Ingi Hrafnsson. Vísir/Valli

Héraðsdómur Reykjavíkur hefur úrskurðað Vefprsessuna ehf. gjaldþrota. Var úrskurður þess efnis kveðinn upp þann 30. maí síðastliðinn og var Kristján B. Thorlacius, hæstaréttarlögmaður, skipaður skiptastjóri yfir því.

Í Lögbirtingablaðinu er skorað á alla þá sem telja til skulda eða annarra réttinda á hendur búinu að lýsa þeim kröfum til skiptastjóra innan tveggja mánaða. Verður skiptafundur búsins svo þann 23. ágúst næstkomandi.

Björn Ingi Hrafnsson var stjórnarformaður Pressunnar ehf. og Vefpressunnar ehf. þegar Pressan keypti útgáfu DV og dv.is haustið 2014, en Vefpressan, sem gaf út og rak vefmiðlana Pressan.is, Eyjan.is og Bleikt.is, var í Pressunnar.

Þegar Pressan keypti DV ehf. varð Björn Ingi jafnframt stjórnarformaður þess félags. Það var síðan í apríl 2017 sem nýir hluthafar komu inn í Pressuna og Björn Ingi hætti sem stjórnarformaður.

Í tilkynningu frá Pressunni á sínum tíma kom fram að auka ætti hlutafé í félaginu um 300 milljónir króna en á meðal þeirra sem áttu að koma með hlutafé inn í félagið voru þeir fjárfestarnir Árni Harðarson og Róbert Wessman í gegnum félag sitt Dalinn.

Haustið 2017 keypti Sigurður G. Guðjónsson, lögmaður, síðan DV, Pressuna og fleiri fjölmiðla sem eru reknir undir merkjum Frjálsrar fjölmiðlunar.

Fékk Frjáls fjölmiðlun um leið útgáfurétt DV sem og Pressunnar, sem úrskurðað var gjaldþrota nokkrum mánuðum síðar, eða í desember 2017, en miklar deilur voru á milli Björns Inga og stjórnar Pressunnar í aðdraganda gjaldþrotsins.

Í mars síðastliðnum var síðan DV ehf. úrskurðað gjaldþrota.


Tengdar fréttir

Segist beittur blekkingum og þvingunum af Dalsmönnum

Björn Ingi Hrafnsson hefur kært nokkra forsvarsmenn fjárfestingafélagsins Dalsins til héraðssaksóknara fyrir meint fjársvik, fjárkúgun og ýmis skjalabrot. Segir þá hafa beitt blekkingum og ólögmætum þvingunum til að eignast Birting.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
0,91
15
171.901
SIMINN
0,33
3
53.573
SJOVA
0
4
42.086
HEIMA
0
3
2.531

Mesta lækkun dagsins


Félag
Br.%
Fjöldi
Velta*
SYN
-1,44
3
26.024
ORIGO
-1,43
2
5.144
HAGA
-1,19
4
154.463
MARL
-1,14
8
256.988
EIM
-1,07
3
7.842