Viðskipti innlent

Skaginn hagnast um 340 milljónir

Kristinn Ingi Jónsson skrifar
EBITDA hátæknifyrirtækisins Skagans jókst um 50 milljónir á milli ára.
EBITDA hátæknifyrirtækisins Skagans jókst um 50 milljónir á milli ára.

Hagnaður hátæknifyrirtækisins Skagans nam 339 milljónum króna í fyrra og jókst um 37 prósent á milli ára. Fyrirtækið, sem þróar, framleiðir og selur tækjabúnað fyrir matvælaiðnaðinn, einkum fiskvinnslu, velti um 5,7 milljörðum króna á árinu borið saman við 4,3 milljarða árið 2016, að því er fram kemur í nýbirtum ársreikningi þess.

Rekstrarhagnaður Skagans fyrir afskriftir, fjármagnsliði og skatta (EBITDA) var 457 milljónir króna í fyrra og jókst um tæpar 50 milljónir á milli ára.

Fyrirtækið átti eignir upp á 2,8 milljarða í lok síðasta árs, borið saman við 1,8 milljarða í lok árs 2016, og var eigið fé 619 milljónir króna. Meðalfjöldi ársverka hjá Skaganum var 108 á árinu.

Stjórn fyrirtækisins hefur lagt til að á þessu ári verði allt að 340 milljónir króna greiddar í arð til hluthafa, félagsins IÁ Hönnunar, en það er í eigu Ingólfs Árnasonar, stofnanda og framkvæmdastjóra Skagans, og eiginkonu hans.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
1,8
6
20.349
MARL
1,32
4
79.593
HAGA
0,74
3
141.155
N1
0,41
5
190.896
EIK
0,26
3
34.958

Mesta lækkun dagsins


Félag
Br.%
Fjöldi
Velta*
GRND
-0,98
2
15.300
EIM
-0,73
4
23.410
SIMINN
0
4
20.348
SKEL
0
4
16.241
HEIMA
0
1
220
Velkomin á Vísi. Þessi vefur notar vafrakökur. Sjá nánar.