Viðskipti erlent

Þúsundum starfsmanna Tesla sagt upp

Stefán Ó. Jónsson skrifar
Model 3 - lykilinn að velgengni Tesla.
Model 3 - lykilinn að velgengni Tesla. Vísir/Getty

Rafbílaframleiðandinn Tesla segir að til standi að segja upp um 9 prósent allra starfsmanna fyrirtækisins. Framundan sé víðtæk endurskipulagning með það fyrir augum að minnka kostnað og auka framleiðni.

Tesla hefur ekki aðeins verið rekið með miklu tapi á síðustu misserum heldur hefur fyrirtækinu ekki heldur tekist að standa undir yfirlýsingum sínum um rafbílaframleiðslu. Ný bifreið fyrirtækisins, sem ber nafnið Model 3, er talin lykilþáttur í því að Tesla geti rétt úr kútnum. Til þess þurfi þó að auka framleiðsluna um þúsundir bíla á mánuði.



Fyrirtækið segir að um 3000 starfsmönnum verði sagt upp á næstunni. Mest verður skorið niður í efri tekjulögum félagsins og að langflestum þeirra sem vinni á gólfinu við samsetningu bílanna verði hlíft. Það ætti að sama skapi að leiða til „flatari valdapýramída“ innan fyrirtækisins.

Elon Musk, stofnandi og andlit Tesla, segir ákvörðunina vera mjög erfiða en alls unnu um 37 þúsund manns hjá fyrirtækinu í lok síðasta árs. Hlutabréfaverð í fyrirtækinu hefur lækkað hratt á síðustu mánuðum, ekki síst vegna framgöngu stofnandans í fjölmiðlum.

Hann sagði í tölvupósti til starfsmanna sinna að „flestum“ þeirra sem sagt verður upp bjóðist starf í verslunum fyrirtækisins. Hann bætti við að þó uppsagnirnar hafi verið nauðsynlegar þá væri þó mikilvægast að framleiðslan á Model 3 aukist hratt á næstu mánuðum. Aðeins þannig gæti Tesla ná markmiði sínum um að skila hagnaði í lok þess árs.


Tengdar fréttir

Tesla tók dýfu eftir ókurteisi Elons Musk

Virði hlutabréfa í Tesla minnkaði um sjö prósent í gær eftir að Elon Musk, eigandi og forstjóri, tók þá óvæntu ákvörðun að neita að svara spurningum fjármálagreinenda á símafundi um fjármál fyrirtækisins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
4,94
3
39.440
ICEAIR
2,71
12
44.414
EIM
1,2
2
105.900
MARL
1,16
17
428.137
EIK
0,89
4
72.222

Mesta lækkun dagsins


Félag
Br.%
Fjöldi
Velta*
ARION
-0,12
1
184
HAGA
0
4
21.953
Velkomin á Vísi. Þessi vefur notar vafrakökur. Sjá nánar.