Handbolti

Segja Kristján Andrésson vera búinn að semja við Rhein-Neckar Löwen

Arnar Geir Halldórsson skrifar
Kristján Andrésson.
Kristján Andrésson. Vísir/EPA
Handknattleiksþjálfarinn Kristján Andrésson hefur samþykkt að taka við stjórnartaumunum hjá þýska úrvalsdeildarliðinu Rhein-Neckar Löwen frá og með næsta sumri. Sænska blaðið Aftonbladet greinir frá þessu og telur sig hafa öruggar heimildir.

Í frétt Aftonbladet segir að gengið verði frá ráðningunni og hún tilkynnt í næstu viku en Kristján mun skrifa undir þriggja ára samning við þýska stórliðið.


Kristján er starfandi landsliðsþjálfari Svía um þessar mundir og hefur verið síðan um mitt ár 2016. Hann mun sinna því starfi fram yfir Ólympíuleikana 2020.

Rhein-Neckar Löwen hefur verið í fremstu röð undanfarin ár en liðið hafnaði í 2.sæti þýsku Bundesligunnar á nýafstaðinni leiktíð og urðu bikarmeistarar. Guðjón Valur Sigurðsson og Alexander Petterson eru á mála hjá félaginu
Handbolti

Mest lesið


Fleiri fréttir

Sjá meira


×

Mest lesið