Innlent

„Sláandi“ verðmunur á matvöru í nýrri verðkönnun ASÍ

Sunna Kristín Hilmarsdóttir skrifar
ASÍ segir verðmuninn í könnuninni sláandi.
ASÍ segir verðmuninn í könnuninni sláandi. vísir/ernir

Ný verðkönnun Verðlagseftirlits ASÍ sýnir að mjög mikill verðmunur er á hinum ýmsu vörum í öllum vöruflokkum.

Í frétt á vef ASÍ um verðmuninn á matarkörfunni kemur fram að í 52 tilvikum af 100 var yfir 40 prósent munur á hæsta og lægsta verði. Í  24 tilvikum var verðmunurinn svo yfir 70 prósent.

Iceland var oftast með hæsta verðið, eða í 35 tilvikum af 100. Bónus var svo oftast með lægsta verðið, eða í 63 tilvikum af 100. Hagkaup var sú verslun sem var næstoftast með hæsta verðið, eða í 21 tilviki af 100. Verðkönnunin var framkvæmd í átta stærstu verslunum landsins.

Þá sýnir samanburður á lítilli vörukörfu með þrettán vörum að hún er 3.108 krónum ódýrari í Bónus heldur en Iceland.
Vörukarfa þessi inniheldur vörur eins og brauð, djús, kjötbollur, banana, cheerios, handsápu og  þvottaefni. Verðmuninn má sjá í töflunni hér fyrir neðan.  

                                                           Iceland    Bónus    Verðmunur í %    Verðmunur í krónum
Fitty samlokubrauð - 500 gr               499          349         43%                   150

Tíðartappar OB original 16 stk           449          259          73%                  190

Neutral storvask ódýrasta kílóverð    705         410           72%                  295

Handsápa Palmolive Almond milk
m/pumpu 300 ml                               399         229           74%                  170

Cheerios - ódýrasta kg verð             1.542       750          106%                 792

Neutral storvask ódýrasta kílóverð    705         410          72%                  295

St. Dalfour bláberja sulta 284 gr      669          398          68%                  271

Trópí tríó - 3pl (250 ml *3)               369          195           89%                 174

1944 - Hakkbollur í brúnni sósu
m. kartöflumús                                729          595            23%                134

Góu Hraunbitar                              349           223           57%                 126

Bananar                                        399           179           123%                220

Lyle's golden syrup 454 gr dós    399            189           111%               210

Knorr Aromat 90 gr. staukur        329            249            32%                80
                        
                                                                     Verðmunur á vörukörfu    3.108

Á vef ASÍ segir að niðurstöður verðkönnunarinnar séu „sláandi“ enda sýni þær að gríðarlegur verðmunur sé á flestum vörunum í könnuninni.

„Á mörgum vörum var yfir 40% verðmunur milli dýrasta og ódýrasta valkostsins og 70% verðmunur var á fjórðungi varanna. 100% verðmunur var á frosnu lambalæri, lægsta verðið mátti finna í Bónus og í Nettó þar sem það kostaði 1.098 kr. en hæsta verðið var í í Kjörbúðinni Sandgerði þar sem það kostaði  2.109 kr. Litlu ódýrara var það í Hagkaup þar sem kílóverðið var 2.099 krónur. Munur á hæsta og lægsta verði á svínakótilettum var 64%, lægst var verðið í Krónunni, 1.399 kr. kg en hæst var það í Iceland á 2.299 kr. Þá var 42% eða 801 kr. verðmunur á ferskum laxi, lægsta verðið var í Nettó, 1.898 kr. en það hæsta í Iceland 2.698 kr. en Hagkaup var einungis einni krónu lægra með 2.698 kr. kílóið. Mjög mikill verðmunur var einnig á ávöxtum og grænmeti, drykkjarvörum, þurrvörum og dósamat, brauði og kextmeti,“ segir á vef ASÍ en töfluna í heild sinni má sjá hér.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.