Innlent

Öflugasti skjálfti í Bárðarbungu frá goslokum

Birgir Olgeirsson skrifar
Bárðarbunga er hæsti punkturinn á norðvesturhluta Vatnajökuls.
Bárðarbunga er hæsti punkturinn á norðvesturhluta Vatnajökuls. Vísir/Garðar

Tveir öflugir skjálftar mældust í norðanverðri Bárðarbungu fyrr í dag en annar þeirra er sá öflugasti frá goslokum.

Sá fyrri reið yfir klukkan 13:14 og var hann 4,1 að stærð en nokkrir minni skjálftar fylgdu í kjölfarið á næsta hálftímanum og voru tveir þeirra yfir þremur stigum.

Klukkan fimm mínútur yfir þrjú varð annar stærri skjálfti á svipuðu slóðum. Hann var 4,9 að stærð og fylgdu honum einnig nokkrir minni eftirskjálftar.

Í tilkynningu frá Veðurstofu Íslands kemur fram að þessi skjálfti hafi verið stærsti skjálfti í Bárðarbungu frá goslokum árið 2015 ásamt öðrum skjálfta sömu stærðar sem áttu sér stað 30. janúar í ár. Engin merki eru sjáanleg um gosóróa og er fylgst náið með framvindu mála.


Tengdar fréttir

Stór skjálfti í Bárðarbungu

Nokkur skjálftavirkni hefur verið í Bárðarbungu það sem af er degi. Stærsti skjálftinn mældist 4,9 að stærð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira