Handbolti

Króatía á HM þrátt fyrir tap

Anton Ingi Leifsson skrifar
Cervar er þjálfari Króatíu.
Cervar er þjálfari Króatíu. vísir/getty
Króatía er komið á HM 2019 þrátt fyrir eins marks tap gegn Svartfjallalandi, 32-31. Sömu sögu má segja af Serbíu sem lagði Portúgal.

Króatía vann fyrri leikinn gegn Svartfjallalandi, 32-19, svo eftirleikurinn var í kvöld auðveldur. Króatía slakaði á klónni og Svartfjallaland vann eð einu marki, 32-31.

Samanlagt fer þó Króatía á HM með tólf marka sigri en Króatar eru ein stærsta handboltaþjóð í heimi. Frændur þeirra, Serbía, er einnig komið á HM eftir sigur á Portúgölum í tveimur leikjum.

Serbia vann fyrri leikinn með sjö marka mun í Serbíu en síðari leikurinn í Portúgal í kvöld endaði með jafntefli, 25-25. Því fer Serbía á HM, samanlagt 53-46.




Fleiri fréttir

Sjá meira


×