Innlent

Fagna hertu eftirliti með heimagistingu

Sunna Kristín Hilmarsdóttir skrifar
Í tilkynningu frá Samtökunum ferðaþjónustu kemur fram að þau hafi lengi bent á þörfina fyrir stóraukið eftirlit með leyfisskyldri gististarfsemi, enda sé ljóst að umfang ólöglegrar gististarfsemi undir merkjum Airbnb og sambærilegra deilikerfa skekki samkeppnisumhverfi ferðaþjónustufyrirtækja.
Í tilkynningu frá Samtökunum ferðaþjónustu kemur fram að þau hafi lengi bent á þörfina fyrir stóraukið eftirlit með leyfisskyldri gististarfsemi, enda sé ljóst að umfang ólöglegrar gististarfsemi undir merkjum Airbnb og sambærilegra deilikerfa skekki samkeppnisumhverfi ferðaþjónustufyrirtækja. vísir/vilhelm

Stjórn Samtaka ferðaþjónustunnar fagnar sérstöku átaksverkefni um hert eftirlit með heimagistingu sem ríkisstjórnin samþykkti nýverið. Þakka samtökin Þórdísi Kolbrúnu Reykfjörð Gylfadóttur, ferðamálaráðherra, fyrir frumkvæði í málinu.

Í tilkynningu frá samtökunum kemur fram að þau hafi lengi bent á þörfina fyrir stóraukið eftirlit með leyfisskyldri gististarfsemi, enda sé ljóst að umfang ólöglegrar gististarfsemi undir merkjum Airbnb og sambærilegra deilikerfa skekki samkeppnisumhverfi ferðaþjónustufyrirtækja.

„Það er ótækt að óábyrgir aðilar komist upp með að reka gistiþjónustu í samkeppni við ábyrgan atvinnurekstur án þess að skila sköttum og skyldum, en þannig fara forgörðum um 2 milljarðar króna sem annars gætu nýst til uppbyggingar innviða í ferðaþjónustu.

Brýnt er að fjármagnið sem lagt er í verkefnið skili sér einnig í eftirlit á ólöglegri gististarfsemi utan höfuðborgarsvæðisins. Átaksverkefni um hert eftirlit er því mikilvægt fyrsta skref í því að koma ólöglegri gististarfsemi upp á yfirborðið,“ segir í tilkynningunni.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.