Matur

Vala Matt lærði að gera upp­á­hald­s­pasta­rétt Sop­hiu Loren á Ítalíu

Sunna Kristín Hilmarsdóttir skrifar

Vala Matt fór í sælkeraleiðangur til Bibione á Ítalíu fyrir Ísland í dag á dögunum. Hún segir að ekki þurfi að kunna meira en þær þrjár uppskriftir sem fylgja með hér fyrir neðan til að vera klár í ítalskt matarboð, eða bara henda í góðan rétt án þess að þurfa að undirbúa nokkuð.

Á Bibione hitti Vala fararstjórann Unu Sigurðardóttur en hún hefur unnið og búið á Ítalíu í fjöldamörg ár og kann öll helstu trixin í ítalskri matargerð.

Fátt er jafn gott og bragðgóður pastaréttur sem tekur enga stund að matreiða. Una kenndi Völu meðal annars að gera uppáhalds pastarétt leikkonunnar Sophiu Loren. Einfaldur og fljótlegur og ævintýralega góður. Svo er það pastaréttur með hvítlauk og pepperoncino (chili) sem tekur bókstaflega tvær mínútur að laga.

Sjá má hvernig réttirnir eru gerðir í spilaranum hér fyrir ofan og hér fyrir neðan má nálgast uppskriftirnar.

Spaghetti al Limone er í uppáhaldi hjá Sophiu Loren.

Sítrónupastað hennar Sophiu Loren (Spaghetti al Limone)

3 matskeiðar smjör
2 stórir hvítlauksgeirar (mega vera fleiri)
Rifinn börkur með rifjárni af 3 sítrónum
1/2 til 1 bolli af rjóma
Salt og svartur pipar eftir smekk
Rifinn parmesan ostur

Sjóðið pastað þannig að það sé “al dente” eða fast undir tönn. Eða eftir leiðbeiningum á pastanu. Saltið vel vatnið.

Bræðið smjörið á djúpri pönnu á miðlungs hita. Sneiðið hvítlaukinn í bita og setjið útí olíuna og látið rétt svitna. Bætið síðan sítrónuberkinum útí og hellið svo helming af rjómanum útí. Hellið síðan soðnu pastanu útá pönnuna og restinni af rjómanum. Saltið og piprið að smekk. Að lokum setur hver og einn parmesan ostinn á pastað á sínum diski.

Pasta með hvítlauk og chili (Pepperoncini)

4 stórir hvítlauksgeirar smátt skornir
2-3 peperoncini chili (má vera þurrkað)
Ólífuolía
Salt eftir smekk
Parmesan ostur

Sjóðið pastað þannig að það sé “al dente” eða fast undir tönn. Eða eftir leiðbeiningum á pastanu. Saltið vel vatnið.

Hitið olíuna létt á djúpri pönnu. Setjið útá pönnuna og látið “svitna” en ekki láta hvítlaukinn eða chiliið brenna.
Hellið pastanu útá pönnuna og blandið vel saman við olíuna með chili og hvítlauk.

Setjið parmesan ostinn ofan á pastað og blandið vel saman. Eða setjið ostinn hver fyrir sig á diskana.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.