Lífið

Will Ferrell gerir grínmynd um Eurovision

Sylvía Hall skrifar
Leikarinn hefur sagst vera mikill aðdáandi Eurovision.
Leikarinn hefur sagst vera mikill aðdáandi Eurovision. Vísir/Getty

Gamanleikarinn frægi Will Ferrell hefur náð samkomulagi við Netflix um framleiðslu á grínmynd með söngleikjaívafi sem fjallar um Eurovision.

Það vakti mikla athygli nú í maí síðastliðnum þegar leikarinn sást á hátíðinni, en aðspurður sagðist leikarinn vera mikill aðdáandi söngvakeppninnar og hann hafi fylgst með keppninni frá árinu 1999 eftir að fjölskylda eiginkonu hans, sem er sænsk, horfði á keppnina með honum. Hann var einnig á meðal áhorfenda á úrslitakvöldinu í Kaupmannahöfn árið 2014.

Sjá einnig: Júrógarðurinn: Þurfti að mana sig upp í að tala við Will Ferrell

Will Ferrell er einn af mörgum grínleikurum sem hafa brugðið á það ráð að snúa sér að Netflix við framleiðslu grínmynda, en árangur þeirra hefur verið fremur dræmur í Hollywood síðustu ár. Adam Sandler, Chris Rock og Rob Schneider eru á meðal leikara sem hafa farið sömu leið, og hefur gamanleikarinn Mike Myers meðal annars sagt tími grínmynda í Hollywood sé liðinn og nú séu streymiveiturnar að taka við.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.