Enski boltinn

Úlfarnir semja við portúgalska landsliðsmarkvörðinn

Arnar Geir Halldórsson skrifar
Rui Patricio
Rui Patricio vísir/getty
Portúgalski landsliðsmarkvörðurinn Rui Patricio er genginn til liðs við nýliða Wolverhampton Wanderers í ensku úrvalsdeildinni. 

Patricio kemur til Wolves án greiðslu þar sem hann er einn af þeim leikmönnum sem rifti samningi sínum við Sporting Lissabon á dögunum.

Hann gerir fjögurra ára samning við Wolves en þessi 30 ára gamli Portúgali hefur leikið fyrir Sporting allan sinn feril til þessa.

Patricio er annar leikmaðurinn sem gengur til liðs við Wolves í sumar en áður höfðu Úlfarnir náð samningum við mexíkóska landsliðsframherjann Raul Jimenez.




Fleiri fréttir

Sjá meira


×