Viðskipti erlent

Falsa dóma um rússneska veitingastaði í aðdraganda HM

Stefán Rafn Sigurbjörnsson skrifar

Ómældur fjöldi fólks hvaðanæva af mun ferðast til Rússlands í sumar til að fylgjast með heimsmeistaramótinu. Við slíkar aðstæður hugsa veitingastaðir og önnur þjónusta sér gott til glóðarinnar og keppast um að ná til nýrra viðskiptavina.

Rússnesk ráðgjafaþjónusta, Bacon agency, hefur nú brugðið á það ráð að hreinlega falsa dóma fyrir veitingastaði á Trip Advisor á ensku og öðrum tungumálum og gegn því sem nemur tæplega 60 þúsund íslenskum krónum lofar fyrirtækið því að koma fyrirtæki á topp tíu lista Trip Advisor í borginni þar sem veitingastaðurinn er.

Eigandi fyrirtækisins segir að ekki sé um svindl að ræða þar sem fyrirliggjandi ummæli eru þýdd úr rússnesku á önnur tungumál.

„Það að skrifa falska umsögn er ekki glæpur eða blekking eins og einhver kynni að halda. Oft er þetta nauðsynleg aðgerð. Tökum dæmi. Segjum að ég hafi opnað veitingastað en við höfum fáa sem enga viðskiptavini. Það eru engir viðskiptavinir þannig að það koma engar umsagnir. Það eru engar umsagnir vegna þess að við erum ekki með neina viðskiptavini. Þetta er vítahringur,“ segir hann.

Falskir dómar og ummæli á Trip Advisor eru ekki óalgeng en sjaldgæft sé að fyrirtæki séu svo hreinskilin með að þau stundi slíkt. Trip Advisor leggst gegn allri slíkri starfsemi og segir hana svikamillu. Í úttekt hjá fréttaveitu Reuters kemur þá fram að í þeim borgum sem heimsmeistaramótið fari fram hafi mikið borið á fölskum dómum að undanförnu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
REGINN
4,82
21
384.845
LEQ
4,24
2
64.651
REITIR
2,58
13
285.394
EIK
1,77
16
166.821
SJOVA
0
6
65.890

Mesta lækkun dagsins


Félag
Br.%
Fjöldi
Velta*
ORIGO
-3,24
6
22.265
HAGA
-1,49
5
55.693
SYN
-1,41
5
79.458
EIM
-1,04
1
11.900
SIMINN
-0,95
10
328.410
Velkomin á Vísi. Þessi vefur notar vafrakökur. Sjá nánar.