Innlent

Ræða velferðarmálin í dag

Margrét Helga Erlingsdóttir skrifar
Flokkarnir sem eiga í meirihlutaviðræðum ræða velferðarmál í dag.
Flokkarnir sem eiga í meirihlutaviðræðum ræða velferðarmál í dag. vísir/JOIK

Stjórnmálaflokkarnir eru mættir aftur til fundar í Fjölbrautaskólanum í Breiðholti til þess að eiga í viðræðum um myndun meirihluta í Reykjavíkurborg.

Í samtali við fréttastofu segir Líf Magneudóttir að velferðarmálin séu á dagskrá í dag. Að sögn Lífar miða viðræðurnar vel áfram.

Samfylking, Viðreisn, Vinstri græn og Píratar, sem eiga í viðræðum, gerðu hlé á vinnunni um helgina. Viðræður hafa staðið yfir síðan á fimmtudag og hafa flokkarnir fundað bæði í Marshall-húsinu á hafnarsvæðinu í Reykjavík og í Fjölbrautaskólanum.

Oddvitar flokkana sem eiga í viðræðum hafa sagt að málefnin séu í algjörum forgangi og að það verði ekki fyrr en flokkarnir nái saman um þau sem samið verður um það hver verði næsti borgarstjóri Reykjavíkur.

Það liggur í augum uppi að borgarfulltrúarnir vilja gefa sér næði til þess að ræða málin því þessi miði blasir við fréttamönnum sem bíða spenntir eftir nýjustu upplýsingum og vendingum.

Viðreisn ákvað seinnipartinn á miðvikudag að ganga til formlegra viðræðna um myndun nýs meirihluta í borginni með fráfrandi meirihlutaflokkum, Samfylkingu, Pirötum og Vinstri grænum. Vísir/Vilhelm

Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.