Veiði

6 punda bleikja úr Úlfljótsvatni

Karl Lúðvíksson skrifar
Flottar bleikjur úr Úlfljótsvatni
Flottar bleikjur úr Úlfljótsvatni Mynd: Sigurður Karlsson

Úlfljótsvatn fellur oft í skuggan af veiðifréttum úr Þingvallavatni þrátt fyrir að veiðin í vatninu sé mjög fín.

Bleikjurnar í Úlfljótsvatni geta eins og í Þingvallavatni orðið mjög vænar og það sama má segja um urriðann þó það sé minna af honum.  Einhverra hluta vegna er vatnið mun minna stundað en Þingvallavatn sem er eiginlega mjög skrítið því í ákveðnum vindáttum þegar það blæs illa til veiða við Þingvallavatn má finna góða staði í Úlfljótsvatni þar sem mun meira skjól er.

Veiðin í vatninu er mest bleikja um 1-3 pund og eru veiðimenn að nota sömu flugur og í öðrum vötnum og sambærilegar aðferðir.  Langir taumar, litlar flugur eins og Krókur, Langskeggur, Peacock o.s.fr. á eins grönnum taum og þú þorir að nota í einni og hálfra stangarlengd, svo er flugan dregin lötur hægt inn.  Þessi flotta 6 punda bleikja kom á land um helgina og var það Sigurður Karlsson sem veiddi þessa glæsilegu bleikju og hinar sem liggja með henni.  



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.