Veiði

15 laxar á fyrsta degi í Norðurá

Karl Lúðvíksson skrifar
Þessi lax kom á land í morgun af Eyrinni í Norðurá.
Þessi lax kom á land í morgun af Eyrinni í Norðurá. Mynd: Norðurá lodge FB

Norðurá opnaði í gær og það er alveg óhætt að segja að það hafi verið mikil spenna eins og alltaf í fyrstu köstunum.

Morgunveiðin tókst vel og það var samtals landað ellefu löxum úr ánni ásamt því að nokkrir sluppu eins og gengur og gerist. Eftir hádegi komu fjórir á land svo heildartalan á fyrsta degi er fimmtán laxar sem er mjög góð opnun.  Þeir staðir sem gáfu voru til dæmis, Stokkhylsbrot, Brotið, Eyrin, Laugakvörn og Konungsstrengur en þess fyrir utan sáust laxar á mun fleiri stöðum.

Það er mikið vatn í Norðurá eða rétt um 46 rúmmetrar og til samanburðar þa´var hún um 27 rúmmetrar við opnun í fyrra.  Þetta gefur góð fyrirheit um að vatnsbúskapurinn á heiðinni sé góður enda hafa rigningar maímánaðar bleytt allhressilega í.  Ef það detta svo inn reglulegar rigningar í sumar þá verður vonandi gott vatn í Norðurá allt tímabilið.  



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.