Veiði

123 laxar komnir á land á níu dögum

Karl Lúðvíksson skrifar
Tekist á við lax í Urriðafossi.
Tekist á við lax í Urriðafossi. Mynd: Iceland Outfitters

Það er óhætt að segja að veiðisumarið fari vel af stað og það svæði sem opnaði fyrst er jafnframt það sem er að slá í gegn.

Veiðisvæðið við Urriðafoss var það veiðisvæði sem var með hæstu meðalveiði á stöng síðasta sumar en þá veiddust 755 laxar á tvær stangir yfir sumarið.  Stöngunum verður svo fjölgað í 3-4 eftir dögum og það var alveg í lagi því það er mjög rúmt um veiðimenn á þessu svæði.  Nú hefur verið opið fyrir veiðimenn í níu daga og er heildarveiðin komin í 123 laxa.  Stærstu göngurnar ekki einu sinni komnar og það stefnir allt í að annað árið í röð verði veiðin þarna ekkert minna en frábær.

Meðalfjöldi laxa á stöng er 13.4 á þessum níu dögum og á líklega eftir að hækka.  Það er ótrúlegt til þess að hugsa að þarna hafi aldrei verið veitt á stöng fyrr en í fyrra, alla vega ekki neinu sem nemur, og að sá lax sem kom upp úr ánni hafi allur verið veiddur í net.  Þarna hefur verið að koma í ljós eitt allra besta veiðisvæði landsins og er þaðstrax orðið vinsælt eftir því vegna þess að aðeins nokkrar stangir eru eftir þetta sumarið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira