Lífið kynningar

Skapandi nám­skeið fyrir ung­linga sem hafa á­huga á kvik­mynda­list

Arna Films býður upp á stuttmyndanámskeið í júní og júlí fyrir 13-16 ára unglinga.
Arna Films býður upp á stuttmyndanámskeið í júní og júlí fyrir 13-16 ára unglinga.

Myndefni skipar stórt hlutverk í lífi unglinga í dag. Eins er þekkingin á tækni og sköpun mjög mikil hjá þessum hóp og áhugasvið margra liggur einmitt innan skapandi listgreina á borð við kvikmyndalist.

Margir líta svo á að kvikmyndalistin sé aðeins til dægrastyttingar og gamans en það hefur sýnt sig að skapandi listgreinar eru mjög þroskandi og eins jákvæðar fyrir andlega líðan. Þær eru t.a.m. frábær leið fyrir börn og unglinga til að læra að taka ákvarðanir og leysa vandamál. Hvert skref felur í sér að taka ákvörðun: hvaða búnað þarf ég, frá hvaða sjónarhorni á ég að skjóta o.s.frv.

Allir hafa ímyndunarafl. Listin tekur það skref lengra. Með listum búa unglingarnir til eitthvað sem þangað til var aðeins ímyndun. Þannig skapast yfirgripsmiklar hugmyndir. Margir unglingar eiga erfitt með að tjá líðan sína og tilfinningar og eiga einnig í erfiðleikum með að koma hæfileikum sínum upp á yfirborðið en finna að þeir eiga auðveldara með að tjá sig í gegnum list. Það er leið til að sýna hæfileika sem ekki koma upp á yfirborðið annars. List er því kjörin leið til að miðla hugmyndum, tilfinningum og lausnum á annan hátt en munnlega eða skriflega.

Annetta Ragnarsdóttir.

Arna Films býður upp á stuttmyndanámskeið í júní og júlí fyrir 13-16 ára unglinga. Á námskeiðinu fá unglingarnir að vinna að sinni eigin stuttmynd, allt frá handritagerð til eftirvinnslu og fá með þessu móti innsýn inn í þær fjölmörgu greinar sem fyrirfinnast innan kvikmyndageirans. 

Námskeiðið verður kennt í Kvikmyndaskóla Íslands og þar með munu nemendur vinna stuttmyndir sínar með raunverulegum tækjum og eftirvinnsluforritum. Annetta Ragnarsdóttir kvikmyndagerðarkona stýrir námskeiðinu en hún er útskrifuð sem leikstjóri og framleiðandi frá Kvikmyndaskóla Íslands og hefur meðal annars starfað við gerð mynda á borð við Hjartastein, Ófærð og Víti í Vestmannaeyjum. 

Annetta rekur sitt eigið framleiðslufyrirtæki sem framleiðir fyrst og fremst heimildamyndir. Annetta er að auki markþjálfi og nýtir hún sér markþjálfunarfræði til að draga fram það besta í fari hvers og eins.  Finna má upplýsingar um námskeiðin á anra.is.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira