Veiði

Flottar bleikjur að veiðast í Þingvallavatni

Karl Lúðvíksson skrifar
Kuðungableikja og sílableikja úr Þingvallavatni.
Kuðungableikja og sílableikja úr Þingvallavatni. Mynd: KL

Það var lengi beðið eftir góðum fréttum af bleikjuveiði í Þingvallavatni en síðustu daga hefur verið afskaplega góð veiði í vatninu.

Eins og oft er mest ásóknin í þjóðgarðinn og þar hefur verið ansi þétt setinn bakkinn af veiðimönnum þegar vel hefur viðrað.  Það virðist vera jöfn og góð veiði um allann þjóðgarðinn en þeir sem við höfum frétt af hafa veitt vel við Lambhaga og alveg að Arnarfelli.

Bleikjan er vel haldin og í raun það vel haldinn og væn að þeir sem hafa veitt lengi við vatnið tala um að það gæti verið hátt í 20 ár síðan bleikjan kom jafn vel undir vetri.  Mikið af 2-3 punda bleikju er að veiðast og það sem sérstakt að sjá í aflamyndum og af frásögnum veiðimanna er að minni bleikjur eru afar sjaldséðar.  Stærstu bleikjurnar sem við höfum frétt af eru 6-7 punda og þar af tvær 6 punda sem veiddust við Lambhaga af sama veiðimanninum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira