Veiði

Laxá í Mývatnssveit opnaði í gær

Karl Lúðvíksson skrifar

Eitt allra besta urriðasvæði heims opnaði í gær og samkvæmt fyrstu fréttum er veiðin ágæt og fiskurinn vel haldinn.

Það er alltaf mikil spenna fyrir opnun urriðasvæðisins við Laxá í Mývatnssveit enda svæðið algjörlega einstakt í sinni röð.  Það er stór fjöldi veiðimanna sem heldur mikilli tryggð við þetta svæði enda er það engin furða því veiðin er yfirleitt afskaplega góð.  Fyrstu tölur eru svo sem ekki komnar í hús en við höfum þó haft fréttir frá nokkrum sem eru við veiðar og bera menn sig vel með aflabrögð og þá sérstaklega veðrið líka en einmuna blíða er á norðausturlandi þessa dagana.

Þeir sem hafa hug á að kíkja norður í urriða en eiga eftir að bóka leyfi geta kíkt á söluvefinn hjá SVFR en þar má sjá lausa daga á næstunni.  Það eru sárafáir júnídagar eftir svo ef aflabrögðin halda áfram að vera jafn góð í júní og síðustu ár má reikna með að margir vilji kíkja norður, ekki bara af því að veiðin er góð heldur til að njóta sumarsins líka en það er víst ekki væntanlegt á suður og vesturlandi í bráð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira