Golf

Ólafía spilar á velli hönnuðum af Nicklaus

Þorsteinn Hallgrímsson skrifar
Ólafía í Alabama.
Ólafía í Alabama. vísir/friðrik þór

Völlurinn Shoal Creek Golf and Country Club er hannaður af Jack Nicklaus og opnaður árið 1977.  Völlurinn er hannaður í kringum læk/ána Shoal Creek sem rennur í gegnum völlinn og kemur við sögu á nokkrum brautum vallarins.

Völlurinn þykir krefjandi og reynir á kylfinga af öllum getu stigum íþróttarinnar. Árið 1984 og aftur 1990 var leikið á PGA-meistaramótinu á karlamótaröðinni.

Völlurinn stóðst allar væntingar á þessum árum um erfiðleikastuðul sem þarf að vera þegar bestu kylfingar í heimi leiða saman hesta sína. Með breyttum búnaði og högglengd varð völlurinn talin of auðveldur fyrir heimsins bestu kylfinga.

Árið 2015 var tekin sú ákvörðun að koma vellinum aftur á kortið þar sem bestu kylfingar heims berjast við völlinn og var hönnuðurinn sjálfur Jack Nicklaus fenginn í verkið. Hann breytti öllum flötum vallarins, minnkaði sumar þeirra um allt að 30 prósent og aðrar tók hann og breytti hallanum á þeim jafnvel í gagnstæða átt.  

Einnig voru glompur færðar til og dýpkaðar til að gera völlinn meira krefjandi fyrir kylfinga af hæsta gæðaflokki.  

Í framhaldinu ákvað bandaríska golfsambandið í samvinnu við LPGA að US WOMEN´S OPEN 2018 yrði leikið á þessum frábæra golfvelli.  Vegna mikilla rigninga síðustu daga þá er nokkuð ljóst að Shoal Creek völlurinn verður krefjandi fyrir bestu kvenkylfinga heims næstu daga.

Völlurinn spilast mun lengri heldur en hann gerir að öllu jöfnu þar sem teighögg sem lenda á brautum sökkva ofan í völlinn og kylfingar fá ekkert rúll á boltann.

En það er nokkuð ljóst að við fáum frábært golf og mót hér í Alabama næstu daga og svo sannarlega vonum við að Ólafía Þórunn Kristinsdóttir muni ná að leika vel og gleðja okkur fyrir framan sjónvarpstækin um helgina.


Tengdar fréttir

Ólafía hefur leik á opna bandaríska á morgun

Sjötugasta og þriðja US Womens Open meistaramótið hefst á morgun, fimmtudag, og þar verður Ólafía Þórunn Kristinsdóttir á meðal þátttakenda. Með þessu móti þá líkur Ólafía við hringinn sem hún byrjaði á árið 2017 að leika á öllum risamótunum fimm.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.