Golf

Allt á floti og Ólafia getur ekki æft

Þorsteinn Hallgrímsson skrifar
Hér má sjá ástandið á 18. brautinni. Það er ekki gæfulegt.
Hér má sjá ástandið á 18. brautinni. Það er ekki gæfulegt. vísir/friðrik þór

Það er ekkert mjög líklegt að Ólafía Þórunn Kristinsdóttir nái að taka æfingahring fyrir US Open í dag vegna veðurs og svo gæti farið að mótið klárist ekki fyrr en á mánudag.

Eins og staðan er akkúrat núna hamla þrumur, eldingar og mikil rigning því að kylfingar fái að að mæta á Shoal Creek völlinn. Svæðið er lokað og verður staðan metin klukkan 16.00 að íslenskum tíma (11.00 að staðartíma).

Þegar hafa komið upp vangaveltur um hvað verði gert ef völlurinn verður lokaður í allan dag og kylfingar ná ekki að leika æfingahring. Verður mótið stytt í 54 holur og æfingahringur á morgun? Verður æfingahringur á morgun og mótið klárað á mánudag?

Þetta kemur allt í ljós á næstu klukkustundum en það er ljóst að enginn fær að fara út á völl ef ekki fer að stytta upp og þrumuveðrið að ganga yfir.


Tengdar fréttir

Ólafía hefur leik á opna bandaríska á morgun

Sjötugasta og þriðja US Womens Open meistaramótið hefst á morgun, fimmtudag, og þar verður Ólafía Þórunn Kristinsdóttir á meðal þátttakenda. Með þessu móti þá líkur Ólafía við hringinn sem hún byrjaði á árið 2017 að leika á öllum risamótunum fimm.

Ólafía spilar á velli hönnuðum af Nicklaus

Völlurinn Shoal Creek Golf and Country Club er hannaður af Jack Nicklaus og opnaður árið 1977. Völlurinn er hannaður í kringum læk/ána Shoal Creek sem rennur í gegnum völlinn og kemur við sögu á nokkrum brautum vallarins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira