Veiði

Mikil spenna fyrir opnun Norðurár og Blöndu

Karl Lúðvíksson skrifar
Breiðan í Blöndu er einn gjöfulasti veiðistaðurinn í ánni.
Breiðan í Blöndu er einn gjöfulasti veiðistaðurinn í ánni. Mynd: Lax-Á

Laxveiðisumarið fór vel af stað með opnun á fyrsta veiðisvæðinu við Urriðafoss í Þjórsá og nú bíða veiðimenn spenntir eftir þvíu að næstu ár opni.

Blanda og Norðurá opna næstar og það hefur orðið vart við laxa í báðum ánum svo spennan fyrir fyrsta degi er mikil í þeim báðum.  Vatnsstaðan í ánum á vesturlandi verður líklega afar góð framan af sumri vegna góðrar vatnsstöðu á heiðum og fái árnar nokkra rigningardaga reglulega í sumar verður þetta vonandi betra en síðust tvö sumur sem hafa verið erfið sökum mikilla þurrka.  Það er erfitt að ætla að spá einhverju um hvernig veiðin síðan verður en allar blikur eru á lofti um að ágætt sumar sé í vændum en það er þó engin leið að segja um það fyrr en eftir eina eða tvær vikur.

Veiðin í Norðurá í fyrra var 1342 laxar sem endurspeglar ekki magnið af laxinum sem var í ánni en hún var afar erfið stóran part sumars vegna vatnsleysis.  Þeir sem þekkja ánna vel segja að hún hefði með réttu átt að vera með 200-300 löxum meira ef vatnsstaðan hefði verið betri.  Blanda kláraði síðasta sumar með heildarveiði uppá 2.386 laxa sem er mjög gott sumar í henni.  Næstu vikur eru því að verða mjög skemmtilegar í laxveiðinni en júnímánuður er tíminn sem árnar opna og veiðin fer að komast á fullt skrið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.