Viðskipti erlent

Kínverjar og Bandaríkjamenn slá viðskiptastríði sínu á frest

Steve Mnuchin, fjármálaráðherra Bandaríkjanna, segir Kínverja ætla að draga verulega úr viðskiptahalla á milli ríkjanna eftir tveggja daga viðræður í Washington-borg.
Steve Mnuchin, fjármálaráðherra Bandaríkjanna, segir Kínverja ætla að draga verulega úr viðskiptahalla á milli ríkjanna eftir tveggja daga viðræður í Washington-borg. Vísir/AFP

Samkomulag hefur náðst á milli kínverskra og bandarískra stjórnvalda um þau hætti tímabundið við gagnkvæma innflutningstolla og slái þannig yfirvofandi viðskiptastríði sínu á frest. Kínverjar ætla að auka innflutning sinn á bandarískum vörum til að reyna að friðþægja Donald Trump Bandaríkjaforseta.

Trump hefur orðið tíðrætt um viðskiptasamband Kína og Bandaríkjanna þar sem hann telur halla á land sitt. Hann hefur viljað að Kínverjar kaupi bandarískar vörur og þjónustu fyrir um 200 milljarða dollara til þess að jafna leikinn.

Í mars tilkynnti hann um refsitolla á kínverskar vörur en stjórnvöld í Beijing svöruðu í sömu mynt. Óttast hefur verið að viðskiptastríð brytist út á milli stórveldanna tveggja.

Ekki hefur verið greint frá því um hversu mikið Kínverjar ætla að auka innflutning sinn. Viðskiptaráðgjafi Trump lýsti því yfir á föstudag að Kínverjar myndu draga úr 365 milljarða dollara viðskiptahalla Bandaríkjanna við þá um að minnsta kosti 200 milljarða dollara. Kínverjar báru þær fréttir hins vegar fljótt til baka og ekkert var fjallað um upphæðina í yfirlýsingu ríkjanna í gær.

Kínversk stjórnvöld lýsa samkomulaginu hins vegar sem ábatasömu fyrir bæði lönd, að því er segir í frétt breska ríkisútvarpsins BBC. Fjármálaráðuneyti Bandaríkjanna segir að lagðir verði tollar á kínverskar vörur upp á 150 milljarða dollara ef Kína stendur ekki við samkomulagið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
3,6
7
34.050
EIK
0,59
9
130.040
HAGA
0,42
2
24.960
ICEAIR
0,41
33
133.550
MARL
0,4
9
103.662

Mesta lækkun dagsins


Félag
Br.%
Fjöldi
Velta*
EIM
-2,15
7
62.376
SKEL
-1,06
2
12.446
ARION
-0,75
4
31.935
FESTI
-0,4
2
61.625
ORIGO
0
4
4.614
Velkomin á Vísi. Þessi vefur notar vafrakökur. Sjá nánar.