Tónlist

Föstudagsplaylisti Daða Freys

Hjalti Freyr Ragnarsson skrifar
Daði Freyr Pétursson kemur heim 4. júní
Daði Freyr Pétursson kemur heim 4. júní Vísir/aðsend

Daði Freyr Pétursson vakti mikla athygli fyrir framlag sitt í undankeppni Eurovision 2017, en hafði áður gert ógrynni af tónlist með hljómsveitunum Retrobot og LESULA ásamt sólóefni undir eigin nafni og listamannsnafninu Mixophrygian.

Daði setti saman föstudagsplaylista fyrir Vísi og segir listann blöndu af því sem hann hefur verið að hlusta á og „eldra uppáhalds.“ Það hafa ekki gefist mörg tækifæri til að grúska eftir nýrri tónlist en Daði er staddur í Víetnam ásamt Árnýju Fjólu, kærustu sinni.

„Maður hefur mest verið að hlusta bara á sveitina,“ segir Daði, en þau skötuhjú vinna nú vefþætti um dvöl sína í Suðaustur-Asíu og hafa gert undanfarna mánuði. 

Það fer að styttast í annan endann en þau lenda á Íslandi 4. júní og Daði Freyr spilar á Húrra þann 15. júní. Sumarið hans „fer í tónleika og tónlistar- og mússíkvídjósköpun“ og stefnir hann á að gefa út stóra plötu einhvern tímann í byrjun næsta árs.

Þegar þetta er ritað eiga þau þó eftir að gera 3-4 þætti fyrir heimkomu: „Núna erum við í Hanoi í Víetnam, fljúgum héðan til Hong Kong í næstu viku og þaðan heim.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.